Friday, September 26, 2008

مطافييي!!


كنا تونا طالعين من بيت واحد من الربع ...ولا يم بيته نشوف المطافي يايين وعفييسة كان في حريجة صوب السفارة الي يم بيته ..شوفوا معاي القصة :



أول شي السيارة أم الدعامية المكسورة((تابعة للمطافي)) وصلت ونزل منها ريال ..مالحقنا نصوره ...







______________________________



بعدين الريال رجعلها بيتصل يشوف وين سيارات المطافي بعدهم ما وصلوا ...شكله السالفة جايدة !







______________________________



بعدها بلحظات وصلوا المطافي ..كانوا ثنتين .. وحدة صوبنا والثاينة عكس الاتجاه ...






______________________________



ترقب من أهل الفريج ...







______________________________



وبعدين الدورية هم وصلت ..







____________________________




ناس رازين ويههم الا بطوفون..أو بيطلون(مثل حالنا xP)





____________________________


بعد إتمام المهمة ((وطلع ماكو شي جايد ... دخان ماشفنا ! )) ... يرجع الأبطال إلى معقلهم .. ((صاروا باتمان )) ... وعاشوا عيشة سعيدة




Thursday, September 25, 2008

!!! My Ice Cream



امس كنت رايح الرحاب بشتري لعبة .. المهم وانا بالطريج مريت على "حديقة الأموات" ... ((حديقة حولي )) شكلها متخلف .. كلها هنود ..نايمين عالارض .. وموصخيين المكان عدل ... بس حاولت قدر المستطاع اني اطلع الشي الزين بهالحديقة المعوقة :







____________________________________



بعد ماخلصت .. هناك في محل يبيع ايس كريم وهالسوالف ... قلنا نظربه واحد مشكل ! ... والله ما تهيننا فييه ...اول ما كنت ياي ابي اذوقه ولا على طووووول ... يطيح كله عالأرض ... كان سايح ... طييييط







_________________________________________




بس طبعا الريال المسكين عطاني غيره x)


Sunday, September 21, 2008

الأكل مع الربع

دايما مع الربع ...مانقدر ناكل.. إلا اذا توفرت هالشغلات:

1- مكدونالدز















2- البيبسي ومشتقاته











3- المايونيز (أدري في ناس يقولون ماينيييييز .. أنا اصر على مايونيز) ....وترى "المايونيز" لازم يكون هالنوعية ..مازولا فلفل (( قاعدين نسوي دعاية )) .. ولا ما ياكلون جيكن فيليه x)









Friday, September 19, 2008

اللعب وتضييع الوقت

اليوم رسمنالكم رسمة تعبر عن الطرق الي نضيع فيها وقتنا ..وحطيتلكم مقارنة مابين الماضي والحاضر والمستقبل...وانشالله تعجبكم
هي هي ....==> ((يعني قاعد اضحك))
















يهال مساكين !

مرة كنت رايح الجمعية بشتري هالككاو...




_____________________________________________




بعد ماخلصت .. طلعت أمشي شوي ... ولا ماشوف إلا هاليهال المساكين مقطوطين عالأرض!!.. الصورة تعبر أكثر :













لا ووحدة منهم بدون هدوم ..مسااكييييييييين x)


Thursday, September 18, 2008

بو قتادة وبونبيل



مسلسل من أظحك المسلسلات إلي الواحد يشوفهم برمضان .. بس في شغلة محيرتني ... بأغنية البداية ... يقولون "بو قتاااادة و بونبييل ...."
بعد هذا شيقولون ؟؟؟
سألت معظم الناس الي أعرفهم ... ولا واحد عطاني إجابة متأكد منها ..
واحد يقول "وأناشيد" ==> حده شكو
وواحد قالي (حط وأنا أشيل ) ==> هذي هه ...يمكن... بس هم مو متأكد ..
عرفت الإجابة .. وأخيرا ... من سيدي للمسلسل ... افف
طلع :
بوقتادة يقول : " أنا أحط "
وبونبيل يرد عليه : "وأنا أشيل "
لول

Wednesday, September 17, 2008

My New Car

هيااا ... باركولي يا جماعة ... وأخيرا ... حصلنا سيارة يديدة ^0^
Altima 2008
طرنق ((Sound Effect)) ...


[الصورة: توني ياي باخذها ]






?Nice Eh

Tuesday, September 16, 2008

الأكواريوم

أدري في بوست مسحته ... ماعجبكم قلنا نشيله .. مالي خلق تصيرلنا مصيبة اهني xP
__________________________________________

المهم .. اهني بعض الصور التقطناهم من الاكواريوم :








__________________________________



هذول جنهم بيتهاوشون



_____________________________________




______________________________________


وهذي معطتنا بووز


__________________________________________________



هذي تافخه خدودها :



Sunday, September 14, 2008

جيل المستقبل


هذول هم جييل المستقبل ... هالصورة تضحكني لأنها تذكرني في صورة مثلها بس أنا وناس بعمري طالعين فيها.. قاعدين بنفس الوضعية نلعب x) ... بس للأسف ماعندياها ..."نحن السابقون وأنتم اللاحقون " ...xP

Saturday, September 13, 2008

شمس الكويت


لمن أكون طالع ... قاعد بالسيارة .. محترم حالي ... وفجأة !! تييلي ذيج الأشعة .. الي تصلخ الأكو والماكو ... إي نعم ... إنها أشعة الشمس ! (( مادري ليش قلبت فصحى )) .. وإذا قاعد جدام ... بعد انسى تتحرك .. وتكون الشمس عليك طووول الطريج ... لاتقولي مكيف .. هي هي ..والله حالة كسيفة ... وعلى فكرة ... كل مرة أطلع-تقريبا- تصير فيني هالحالة .. وماكو ..تظل عليي الأشعة ليما نوصل ...xD

Friday, September 12, 2008

!Glitch

No Country For Old Men

طبعا ماقول شي عن الفلم لأنه عاجبني ..
ولاني ياي أقعد أسويلكم review عنه ..
بس حاب أوريكم شغلة تلاقونها على غلاف الفلم[حق الي يشتري الأفلام الأصلية]
(( كنت باستراليا وشفت ال DVD
وانتبهت عالغلط العبييييط))

شوفوا الصورة :





_______________

تلاحظون إن اسم الممثل Tommy Lee Jones موجود تحت الصورة الغلط!!
تكفون لحد يقولي يعني حركة مادري شنو ..عاكسين الأسامي xD
والله دورت بكل النسخ الي بالمحل ..وماكو ...كلهم نفس الشي ..
حتى اني لقيت الصورة بالنت x)
شي عبيييط...

Tuesday, September 9, 2008

الإسراف مو خوووووش






رسمنا هالرسمة من القهر الي يصير فينا لمن نقعد عالسفرة ونشوف هالأكل الزايد ماندري شنسوي فيه ..الإسراف في الأكل...والله يقهر !!


Monday, September 8, 2008

هذا رمضان !!




هذا التمر ..عطاناياه شخص يعطيه العافية وبارك الله فيه ..كنا رايحين بيت يدي..بنتفطر عنده ... وبعدنا بالطريج ماوصلنا ..وكان باقي جم دقيقة عالأذان ..فكنا واقفين عند الإشارة ...وشفنا ريال بييده كرتون فيه جياسة تمر ..قاعد يمر عالناس ويوزع عليهم ...^___^ ..شوفوا..هذا نموذج من نماذج الأعمال الصالحة إلي الواحد لازم يعملها برمضان ...مو يطلع يقز .... ولا يتهاوش مع الناس ... بس بعد شنسوي ... هذي الدنيا -____-

Sunday, September 7, 2008

التلفزيون في رمضان

طبعا ..معظم الناس يتابعون المسلسلات الي تطلع "حصريا" برمضان وعلى قنوات معينة ...
أول ما يبلش المسلسل ..الكل مندمج وحالته كسيفة ..وبس بيصير شي ....!! إعلانات تجارية ....!!
اهني مو الناس تنطر دهر على ما تخلص هالإعلانات المتخلفة ..والله الواحد يطلع من الجو الي كان عايشه وهو يطالع المسلسل ...
حتى مرات ينسى شنو صار ...
عالعموم .. شوفوا هالرسمة الي عبارة عن أكثر من وحدة دمجناهم وخليناهم صورة متحركة ..
((ضغطوا عالرسمة عشان تشوفونها ))







Wednesday, September 3, 2008

عالبحر

اهني كنت فاظي وقاعد أتمشى عالبحر ...ترى البحر مو الشي الوحيد الي يجذب الانتباه P=







_________________________________________________



________________________________________


لمن الواحد يكون صج فاظي عند المركز العلمي نص الليل ....









________________________________










Tuesday, September 2, 2008

ramadan kreem



رسمة سريعة رسمناها اليوم بمناسبة حلول شهر رمضان الكريم ...













Monday, September 1, 2008

ترشيييييييييييييييد

سالفة الترشيد سالفة عويصة ...مالنا خلق ندخل بموضوع ماله نهاية ....المهم ... أيام المدرسة كان في مسابقة عالمية عن ترشيد استهلاك المياه ...مدرس الفنية قاللي شرايك تشارك قلتله" فوقه !" .... بس صراحة الرسمة ما تقايش مع الإبداعات العالمية ..بعد...... هذي الدنيا -_____- ..عالعموم ..هذي الرسمة ^___^ :