Sunday, November 30, 2008

To Ducati

سلااام ... هالبوست قررت اخصصه حق الحبييب Ducati .. لان يتشارك معاي بحبه للسما ..
مريحين اليوم .. مادري شفيني جسمي حده تعبااان ..الظاهر حايشني برد ولا شي ...حضرتي مداوم اليوم بنص جم ..(( احلى بندوول )) فماراح اقرق على راسكم .. يعني اليوم راحة من تفاهنا اليومي ...
فالصور اليوم للسما بعضهم التقطتهم باستراليا .. وبعضهم بالكويت ... وانشالله يعجبونكم :





_________________________





_________________________





_________________________





_________________________





_________________________






_________________________





_________________________





_________________________





_________________________






_________________________





في بعد وايد .. بس ما نخلص جذي .. لول
نشوفكم على خير .. جاو جاو

Friday, November 28, 2008

مقتطفات (3)

خلصنا من الميدتيرمات -تقريبا- .. الميدتيرم الثاني حق تاريخ حضارة كان هالاربعا( الي طاف) .. والثالث بعد اسبوعين -____- ماكو راحة من هالمادة ..

بس الحمدلله درجاتنا تمام التمام .. الدكاترة راضين على درجات الطلبة .. فماشي الحال ..

نكمل معاكم محطتنا الاسبوعية من عرض الصور المعوقة ... مع اني راح ابلش بصورة بالجامعة ... بس بعدين نعرض لكم صور قديمة ...

يوم الخميس .. واحنا رايحين السيارة .. بنرجع البيت .. شد انتباهي شي غريب لاحظته عالسيارة .. اثار لص ..




_________________________


اطالع عدل ولا يطلع ...



_________________________


قطوة وصخة ماشية عالسيارة ... x)



_________________________


المهم .. نرجع لمحور حديثنا .. الي اهو .. صورنا المعوقة الي ولا وحدة لها علاقة بالثانية :


اخر اكتشافات اسمي .. مرة كان خاز باز (مرض ) .. ومرة :



________________________

هذي تعني خطر .. من طقة Bio hazard
الله يستر بعد جم يوم شبتطلع لنا معاني ثانية ..

--------------------------




من العلامات المميزة الي تلاقونها بالحسينيات :



الاستكانة المقدسة


______________________

وين ما تروحون .. تحصلونها .. لول


وثاني شغلة :



________________

هالمروحة العجييبة .. نفس النوعية بعد x)

وعلى طاري الحسينيات .. جيكوا عالجدور :




كل جدر يييزي (يكفي ) 3 خرفان (الخرفان زايدين هالايام .. خصوصا بالمولات ..x] ) بس اخر واحد عاليسار .. ييزي بقرة وخروف .. جنه جاكوزي ..لول

(طيييييط : مو الحين تخلوني طائفي مادري شنو .. وتشنون علي حرب بالتعليقات .. بعدين تحسسوني اني اكره الكويت .. وتطلعوني ملحد )
--------------------------


رسمة حق الناظر ايام الثانوية (ايام الثانوية==>تحسسني ان من زماان )


_____________________

عاد هذي كانت حالته بالطابور .. يوقف ويتنح .. شوي ويسعبل ..لول

------------------------------

? Why So Serious



________________


--------------------

اخر صورة للويك اند ..

مشروب الطاقة :
(المكونات موجودة بالخلفية )



_______________


اي نعم .. لازانيا سايحة\ذايبة + بيبسي + جرجيير



___________________

تلوع جبدك بالعافية x)

------------------

انتهى تفاهنا لهذا اليوم ..الحين بروح البر x) ..
عسى ان نراكم قريبا .. مع صور معوقة ..
والسلاموو عليكووم ... ورحمتوو الله .. واا .. بركاتووه

Monday, November 24, 2008

مغامرات هاشيموتو

( تنبيه : اليوم بوستنا فيه 12 صورة .. نعوض عن الايام الي طافت )



ممممم ... من وين نبلش اليوم @@


اي ... اليوم كنت اتمشى مع ولد الخالة .. وشفنا :



____________________


درعمنا عليهم ... شفنا جم واحد قاعد يرسم .... ولد الخالة سألهم عن شروط الانضمام .. وشكله باجر بيروحلهم ...
والله شي طيب ان في اهتمام بالمانجا والانيمي بالجامعة .. لان في ناس ترسم ... قالوا ان في مشروع comic\manga بيسووونه ... خنشوووف بالمستقبل شيطلع منهم .. (=

-------------------------------


اليوم بوقت الفراغ (من 12 لي 2 ) ماعندنا شي .. والجو ماشالله ... حااااااااار x3
فقلنا ندور مكان بارد نقعد فيه ... كل ما ندخل مكان .. مصكرين المكيفات .. قاصين على روحهم عبالهم شتا ... يا عمي الكافتيريا اليوم كانت تغلي .. بس اهمه ... ولا عالبال ... -____-

فقلنا نروح :




















المكتبة ...

وتذكرت توصية anonymous \غير معروف .. اني اروح اصور هناك ..
ولد الخالة بسط يراجع جم شغلة وراه كويز .. وانا قعدت احوس اصور :


احلى شي شفته بالمكتبة سور الصين العظيييم ...




____________________

لو تلاحظون الطوفة البيضا الي ورى الطاولات والكراسي .. هذي حاجز بين الشباب والبنات .. الظاهر حاطينه حق الخرفان .. لول



بس صراحة .. احلى دراسة بهالمكان .. بس طبعا .. تأثير الناس الفاضية دايما موجود :



_____________

انشالله تشخبطون على اوراقكم .. وين قاعدين !! صج في ناس ...... -_____-



وبعدين في درايش تطل على منظر بديع .. قلت اصوره لكم :



_______________________

-________-


تكفون هذ منظر الواحد يشوفه وهو يدرس .. جنهم يقولولك يلا انتحر ... شي اييب النكد x3

جيكوا على هالقنفة\ (
couch حق الي داخ وهو يقراها) :





غلطان الواحد يقعد عليها بنية الدراسة .. صدقوني .. يكشت بالدراسة ويخمد .. لول



و من كثر ما المكان هادي ...




الحبيب خامد ... انا شفته صار فيني نوم وياه .. لول

وعلى طاري الدوخة ...
-----------------

مرة كنت قاعد امشي من العلوم لي الهندسة .. طريج المواقف ..

ولا امر على :





______________________


مكتوب عليه : (( الرجاء خفف السرعة من أجل سلامتك))


___________________

وبما اني دايخ معظم الوقت .. وهاليوم -الي صارت فيه هالسالفة - كنت دايخ زيادة عن اللزوم ..
حظرتي بطأت من مشيتي ... لمدة جم ثانية ... بعدين استوعبت ان هالكلام حق السيارات ...كاااااك قعدت اضحك على روحي .. والله اني دايخ xD

------------------------



نختم مغامرتنا لهذا اليوم .. بلقطة ثانية للسما ... وانشالله تعجبكم ..






نشوفكم على خير
جاو جاو

Friday, November 21, 2008

منو خروف ؟


سلام .. اليوم موضوعنا خفيف .. مجرد سؤال محيرني

مصطلح "خروف" ينطبق على منو ؟ هل على :
-اللي يلاحق البنات ويراكض وراهم وهمه ما يعطونه ويه ؟
- اللي يلاحق البنت\اي بنت عشان يضبطها وهو عنده ستين وحدة غيرها ؟
-اللي يكلم الصاحبة ومصدق انها تحبه وكل ما يطلع ويا ربعه يكشت فيهم علشان يكلمها .. وطبعا يدزلها رصيد ومن هالحجي.. ؟
-اللي يكلم البنات بشكل عام ؟
هذول الاجوبة الي تلقيتهم من الناس الي سألتهم هالسؤال ...مادري بعد اذا في اجوبة غيرهم .. المهم.. انتوا شرايكم @@ ؟



Tuesday, November 18, 2008

From Scince 2 Engineering


~ ععععععدنا ~
(مالت سبيستوون)

(تحذير: احتمال البوست يكون -شوي- ممل)

اليوم ..وبناء على طلب مجهول .. بنحطلكم صور جم شغلة .. الواحد يشوفها وهو يتنقل بين كليتي العلوم والهندسة .. ((من العلوم الى الهندسة ))
بس للأسف ما صورت الطريج فيديو .. انشالله الاحد الياي .. لان هالاحد طلعنا من اللاب مبجر .. فكان في ناس بالطريج .. فماصورنا عشان ما يصير شكلنا "متخلفين" ... x)


اول شي ندخل الى "المستوصف" ...



_________________


هذا المكان .. الي اكتسب اسمه من شكله .. لونه ..و ... رييييحته !! .. اي نعم .. ريحته ..اووف ريحته مو صج .. هناك كله لابات كيميا ..
لمن تمرون فيه .. على الاقل تشمون 3 روايح مختلفة((وحدة منهم عطورات البنات .. لا تسئلوني ليش ..بروحه سالفة ثانية)) ... اتجنب اروح هالمكان كثر ما اقدر .. من ريحته العفن x3

-------------------------------------



للأسف هم ماقدرت اصور ولا لاب لانهم كانوا مقفولين حزتها ... وما مريت بهالمكان لي يومكم هذا .. انشالله المرة الياية نحطلكم صورة

المهم ...

بهالممر العجيب .. تلاقون فيه شغلة عبييطة .. ولا واحد سألته عرف يجاوبني على سؤالي ...
سؤالي : شنو هذا ؟


_____________


دش عمومي ؟؟ @@ ... المهم شي معوق ..
-----------------------------


شغلة ثانية\ثالثة بالممر ( المستوصف ) ...




_________________

طووول الممر .. حاطيلنا صور العلماء .. الظاهر يبون كل من يمر يسبهم ويلعن فيهم .. لان هذا الي صاير .. والمشكلة .. ان في علماء ...الناس ما تعرف تقرا اساميهم .. فيأشرون على صورهم ويسبونهم ..
مرة كنت مع واحد .. احنا نمشي .. وهو شغال على كل عالم .. وصل حق واحد .. يبي يقرا اسمه مو قادر .. الي خلانا نوقف عشان يقراه .. ولا عرف .. جان يعصب ويقول "خرا على هالعالم الي حتى اسمه صعب " وبلش يعيب على خشمه وشنبه\شواربه..واشياء ثانية بويهه .. والله ناس فاصلة ... لول

(نيوتن اكثر واحد ماكلها بين العلماء )

------------------------



يا كبيييير .. ==>على قوولت صاحبي .. المشكلة .. كل ما اشوفه .. اتذكر الفار براين (brain) من Pinky and the Brain

-----------------------------


نخلص من هذاك الممر .. ونطوف (سكوير الزلمات ) الي مادري ليش نسيت اصوره ..
المهم ..







ندخل الى الممر الخشبي aka المحكمة aka التابوت**.. افضِل لقب ال"محكمة" .. لان المكاتب الي فيه : (مستشار المادري شنو .. عميد البطيخ..إدارة الادارة الي هم مادري شنو ..) يعني .. الصورة وضحت لكم ..
----------------------------

وبعد هالممر .. وبنفس المبنى .. في حديقة معوقة ..
مادري من وين الواحد يدخلها ....



_________________

احس فيها اشباح ...


______________

الظاهر السلم مخرج طوارئ

**((تنويه: تم
معرفة معنى "التابوت" بمساعدة الشخص الي طلب هالصور .. المعنى:الممر الخشبي .. وشكرا ))

------------------

ايييي .. امس .. لقيت اسم معوق .. هذي الصورة حقك Sinful Eye




__________________



وصلنا لنهاية البوست... نختمها بمنظر جدا عجبني :





نشوفكم على خييير ...
جاو جاو

Saturday, November 15, 2008

Saturday

ادري حطينا بوست نص الاسبوع ووقفنا ...بس كنا بزي طول الاسبوع ..وانشالله هالبوست .. نجمع فيه مابين القرقة ..والصور المعوقة

يوم الجمعة من أغبى الايام الي مروا علينا .. الشغلة الايجابية الوحيدة فيه ان الوالد رجع من السفر (الحمدلله عالسلامة ) ..

بس صج .. ماسوينا فيه ولا شي .. طلعة مثل الاوادم ماكو .. -_______-
فاليوم ((السبت)) قلنا لازم نعوض النقص الي فينا .. على الاقل نرفه عن اخوانا المساكين الي ما طلعوا ..
رحنا بيت الخالة .. طحناله هناك سووني .. توة شاري لعبتين :






واللعبة الي كل كويتي -تقريبا- عنده اياها :




__________________


(( يلا اسساا ... )) نادتنا الخدامة\الخادمة\الشغالة\المرأة الي تساعدكم في البيت .. الخ
رحنا نتعشى ..


كانوا مسوين همبرغر .. ياي باخذلي قطعة .. ولا بنت خالتي تقولي :(( حط وياه كاكاو نوتالا))... الي ما يعرف نوتيلا هذي صورته :






المهم .. عاد اهي تحدتني وانا ما خليتها .. شوفوا بس لا تتخيلون الطعم .. وترى كليته كله ... ييخخخ x3







________________________


طعمه لحم ويا كاكاو حاااااالييي ... damn !


-----------------------------------


::موضوع ثاني غير لوعة الجبد ::

يقولك ... يوم كنت صغير .. يعني .. ايام الروضة .. وتحديدا ..روضة السرة .. كانوا يعطونا العاب نلعب فيهم ..العاب -تكرمون- حيوانات وما شابه ذلك .. ولمن نخلص لعب كنا نردهم ونرجع الصف \نروح البيت .. الي اهو .... بس انا ماشالله عليي .. كان في لعبتين حييل عاجبيني .. والمشكلة انهم -تقريبا- نفس الشي .. مرة .. الابلة\الاستاذة ((عشان ما تقرونها أبله)) ..قالت لنا ردوا الالعاب .. يالله هاشيموتو(خازباز) اخذ اللعبتين وحطهم بجييبك وجنه العيد .. ولا خطر على بالي اني مسوي شي غلط .. x)
المشكلة ان الالعاب ليلحين عندياهم .. احتمال الروضة تطالبني فيهم الحين ..لول



________________________


وعلى طاري الالعاب..جيكوا اقدم لعبة عندياها..من امريكا ..يوم كان عمري سنتين :


!!!!!!!!!!!!!!!!!!!!!!!!!!!!!!!!!!!!!!!!!!!!!!


____________________


الديناصور المسكيين صارتله جم شغلة معوقة ..دخلت بحلجه طيين ..ودش داخل وماطلع...


__

((الصور مو واضحة لانهم من كاميرا التلفون .. طيييييط ))
_______________



يعني عالسنيين الي عاشها ...زين منه ان بس قرنه انقص (بفعل مقص )....x)

---------------------------------------
احتمال ما اكتب شي لي نص الاسبوع ..يعني عالثلاثا الياي ..
نشووفكم على خيير ...جاو جاو