Sunday, November 2, 2008

يوم الأحد .. يوم التحلطم

اي نعم .. يوم التحلطم .. بقولكم سالفة صارتلي .. بس بدون صور .. لانها عن ناس .. اي نعم .. لأول مرة في تاريخ البلوق -واخر مرة انشالله - راح اقرق على راسكم .. بس شوية .. بدون صور .. xP
عندي فترة فراغ من الساعة 9 لي 10 .. رحت اخذ شغلات .. من السيارة .. وبما اني اصفط صوب الفرع ... فلازم اخذ باص عشان اوصل بسرعة .. المهم .. وانا برجع للجامعة .. ركبت الباص .. وراي اثنين .. اول ما دخلوا بنتين ..كانوا يتكلمون عنجليزي ((سوالف مدارس خاصة x3 )) واحد من الي وراي بطها ضحك .. وقعد يتحلطم ويقول " ولليييين .. هذول مرة ثانية .. ! " وقعد يعيب عليهم مع صاحبه بصوت عالي .. مادري شلون البنات ما سمعوه .. يمكن ما عطوه ويه .. وهذاك طايحله تعييب .. زين .. مو هذا المهم ..
اول ما حرك الباص .. بلش هذا -الي كان يعيب - يتكلم عن الشيوعية والرأس مالية .. ومنو طلعها .. وشلون تطورت من حيث القوانين والبطيخ .. اففف .. تدرون شنو لاعت جبدي منه ! .. يعني انا بروحي نفسيتي كانت -شوي- معفنة ليش وراي لاب لي 5 .. ويقعد هذا فيلسوف زمانه يسولف طوووول الطريج عن موضوع مليييق .. الي يمي كل شوي يطالعني .. لان تعابير ويهي تبين مدى "لوعة جبدي" من قرقة هذاك .. واهم شي يوم وصلنا .. ونزلنا من الباص .. وهو لييييلحين يسولف .. بس ذبحتنا !!

_______________________________

المهم .. نرجع لصورنا التقاه .. ترى ما صورت شي اليوم من الاحباط

-_______-


المهم .. نحطلكم هالجم صورة :


اول صورة .. تبين لكم شنو نطالع لمن نقعد بباص كله بنات .. ((لا تخافون .. مو صايع ))













... ((ان بعض الظن اثم )) x)


اي .. اطالع التقاه الي جدامي .. تقولون طالع الدريشة .. ارد عليكم .. احلى اشعة شمس .. من كثر ما اني متعقد منها كاتب عنها بوست قبل فترة .. يمكن قريتوه .. المهم .. كل ما اقعد بالسيارة لازم اشعة الشمس علييي .. x3


_______________


بعد ما خلصنا من اللاب .. وطحسنا وكتبنا الreport ... طلعنا من الجحر ((المختبر )) .. شفنا بقايا المطر .. T__T ..يعني حتى مطر ما شفناه ينزل علينا ... how sad is that ?!!
المهم .. مادري شلون طلع في نفط صوب المصافط ... لول








________________________




بعدين رحت اترس بنزين (بانزين \ بنجين ... الي يعجبكم )) بروحي منكد .. ويوعان .. وفيني نوووووووووم ... الهوز يطلع صوت ...والله قلت بنفسي "هذا الي ناقص .. يوم معفن .. وتختمه بحريجة .." -_____- .. لا بس صج .. صوته كان حيييل معووق .. انتوا شوفوا شكله .. تحسونه اثري




اي اي انا استخدم خصوصي مو ممتاز ...
تكفوون جم لزقة عليه ؟

______________________


المهم . ترسنا الزفت .. رحنا البيت .. تغدينا .. خمدنا 3 ساعات -تقريبا- .. درسنا كويز كالكوليس .. الله يستر يوم الاثنين الي بعد اسبوع physics midtrem
وعلى طاري الفيزيا .. اليوم المعيد قعدنا نشوف بدلياته .. سجلنا بعضهم ((ترى اهو هندي .. يعني غير انه صعب تفهم لهجة البطاريق ..تعال فصفص بدلياته )) :
1-اهو عنده لدغة معوقة .. مادري بعد اذا يسمونها لدغة ولا لأ ..المهم .. يبدل حرف الs اب "ث"
2- we ==> تصير "v " .. بس قالولي كل الهنود يقولونها جذي
3- earth===> تصير "eart " ..يعني تعرف تقول "ث" وقت الs .. والحين ... طاف طاف
4- accelerator ====> تصير "acthelerator " .. اهني طبق القاعدة الاولى ..

_____________________

ادري اليوم قرقتي اكثر من صوري((نفس الاسبوع الي طاف )) .. بس شسوي .. يوم الاحد .. هذا مو يوم عادي .. يحطم القواعد كلها ....
نشوفكم على خير .. جاو جاو