Tuesday, November 11, 2008

Hardluck Kuwait

سلااام .. رجعنالكم بصور معوقة من جدييد (( كل صارلي يومين مو كاتب! لول )) .. والله ما صدقت اخلص من ميدتيرم الفيزيا التفاه .. ويتأجل كويز الكالكوليس ..قلت على طوووول .. خل نبلش تصوييير ..واليوم الحمدلله .. قدرنا نصيد جم شغلة .


ادري العنوان داش بقوة .. اليوم طبعا يوم ميلاد الدستور ..اليوم الي الكويت صارت فيه officially مستقلة وذات سيادة تامة ومن هالحجي مال الاجتماعيات ..



_____________________

المهم
اليوم وانا قاعد بالكافتيريا ..وإذا بشئ يلفت انتباهي .. ورقة ... إنها نشرة الوسط الديمقراطي بمناسبة هذا اليوم ((لحد يقولي ليش كتبت بالعربي )) .. فقعدنا نقراها .. لمن خلصت منها اول شي يا ببالي ((هاردلك كويت )) ...لييش ؟ شوفوا :-





____________________

مكتوب "فكانت منارة للعلم والتقدم والحرية ..."الى ان يوصل "..و كانت مضرب الامثال ولؤلؤة الخليج" ...
حسافة والله عالكويت .. كل هالاشياء خبر كان .. بس بعد شنسوي .. هذي الدنيا .. -____-
((على قولت قطر : لؤلؤة الخليج= كويت الماضي \ دبي الحاضر \ قطر المستقبل ..خنشوف قطر يسوونها ولا لأ P= ))

-----------------------------------------------------



بعدين في شغلة عبيطة .. كان في تلفزيون حاطينه بنص الطرييج .. شغال 24 ساعة loop بدون توقف .. كل من يمر يشوفه شغال ..






_______________________


المشكلة .. محد يطالعه .. وبعدين اذا بغى يطالع -انا حاولت- .. مايقدر يسمع شي .. من ازعاج الناس الي قاعدين يمرون .. فكان مجرد مصدر للازعاج للأسف..صورة بدون صوت "ينفهم" .. يعني كانت محاولة طيبة انهم يعرضون فيديو عن تاريخ الدستور .. بس ما ضبطت وياهم ... x)

------------------------


وهمن بعد (على قولة صاحبي) في شغلة ثانية .. صج صج تبط الجبد .. الحين احنا رايحين من مصافط الفرع لي الكلية .. نشوف هالعمال يزرعون هالورد الزيين .. عشان نمتع ناظرنا فيه ((كل هالتفلسف بالعربي ومو ماخذ مادة جماليات الادب..الله يعين يوم اخذها شلون بيصير شكل البوست )) ....






واحنا نمشي بممر الورود الجملية ... ما نشم الا ريحة قوووووية .. اخس منها ماكو .. >.< ريحة السمااد ... لاااا يحووووشك تشمه وهمه توهم حاطينه ... الله يهداكم ما عرفتوا تحطون الورد امس العصر .. ولا الليل .. يوم ما يكون فيه احد ... اففففف من هالريحة العفن x3

----------------------



اخر شي .. لقيت هالباجات badges عليهم مقوولات عجبوني .. حسيت يلوقون عليي بما اني احب النووم :



حبيت هالثنتين :

Don't Wake Me I'm Busy

Work Less Sleep More


والله بغيت اشتريهم .. بس لانهم اب"فيرجن" ..المحل الي يخلي السعر نااار .. شي يسوى 300 فلس يزيدون عليه دينار ..
فهونا

انشالله هالبوست كان جيد .. اليوم مادري ادرس ولا اخذه راحة @@ ..
بس الي عارفه .. اني دااايخ وراح انااااااام ... لول
جاو جاو