Tuesday, December 30, 2008

معرض الرسم في كلية الهندسة والبترول

UPDATE








سلاااام .. اليوم عندنا جم صورة للمعرض الي افتتحه عميد الكلية ..







وطبعا شاركنا فيه .. وقعدنا شوي نتفلسف على رؤوس الاوادم ..








عاد الناس راسمين رسمات زيتية وجذي .. وانا كاريكاتير راز ويهه لووول







بس الحمدلله وايد ناس عجبتهم الرسومات خاصة الي عن الجامعة وحال المستجد فيها ..








وهذي الرسمات المشاركة :







الرسمة واااايد احلى من جذي.. بس والله الجام خرب عليي يعكس يبط الجبد x3


---------------------------------






-------------------------------







------------------------------






----------------------------







----------------------------







-------------------------------


والحين .. رسمات ولد الخالة :






-----------------------








-----------------------------








-----------------------------







--------------------------


كان في بعد جم رسمة بس الهوا كان كل شوي يطيحهم .. فشالوهم ..
انشالله عجبوكم .. ونطرونا ببوست طووويييييل هالوييك اند
وكل عام وانتوا بخير

Friday, December 26, 2008

My Videos

سلااام .. اليوم هم مالي خلق شي .. مادي شفيني .. الظاهر باخذلي بريك بعد هالاسبوع العفن الي مر .. لحد الان .. هذا اخس اسبوع يمر عليي بالجامعة .. من ناحية الاحباط والتعب .. بس الحمدلله افتكينا منه ..
ااااالمهممم..
عندي فيديوين معوقين حبيت احطهم اهني (ماكو شغل )
حق الي حاس انه صج فاظي وله خلق يطالع :


1- الاول عبارة عن prison break + linkin Park-Numb
حطيته بيوتوب من زمااان .. بس ما صارله اسبوع الا شالوه ..لول
عقد الcopy rights

وانشالله يعجبكم :


video





اما الفيديو الثاني ..


بين ربعي .. معروف اني spammer ... والي ما يعرف معناتها .. تعني :(( اعيد الشغلة مليون مرة .. من كلام وافعال ))

وهالفيديو توة طالع من الفرن :





ادري تفاااه .. بس بعد .. الفضاء وما يفعل .. فاظي وفيني نوم .. وباجر ورانا طلعة حلوة .. نرفه عن نفسنا شوي
نشوفكم على خيير
جاو جاو

Sunday, December 21, 2008

Mixat

سلاااام .. لا تخافون ماني متحلطم عالميدتيرمات .. خلاص ..بناخذ برييك عن التحلطم شوي .. كانوا صعبين .. بس انشالله حلينا عدل ..الشي الزين .. ان تاريخ الحضارة صار هالاربعا .. فنقدر ندرسله عالراحة -تقريبا-
==========================================


اول شي .. حبيت احط جم صورة لmar8adoosh
الي توها راجعة من امريكا ^___^



مرة كنت بالافينيوز اتسوق .. ندور هدوم حق العيد وجذي .. ولا اشوف جدامي شغلة .. اطالع عدل ولا :


ربع mar8adoosh






_________________________



_________________________

وكاهي موجودة معاهم :




_________________________

LoL

====================

ننتقل لموضوع اخر
--------------

همممم ... اي !


مرة كنت بالجامعة رايح اشرب ماي :





رحنا عند البرادة ..








نشرب الماي






!!!!



اول ما حطيت الماي بحلجي .. حسيت ان فيه شي غلط ...





طعمه كلووووور !!
وع ! ..
المشكلة بعد ما شربت ولا صاحبي يقولي هالبرادة مرات يكون مايها طعمه مصدي\طعمه حديد مصدي\طعمه صدا\...الخ) .. انزين مصدي ممكن .. من البايبات او شي جذي .. بس كلووور !! .. والله حسيت نفسي بحوض سباحة قاعد ابلع الماي .. لول


==============

next
-----

في شخصين حلوين نايمين ولا هامهم منو حوالينهم .. وحوووش !!



هذا بنفس ممر البرادة :







_________________





________________




وهذا اليوم جكيناه



_______________________

الناس النايمة ما تطوفني (=


================

اخر موضوع في جولة المكسات .. قبل وبعد :


شوفوا معاي :
قبل

_____________________







بعد








___________________




وهذي .. اكتشفوا الفروق :













والله حالة .. روضة مو جامعة ..
_____________________



disclaimer : ترى مالي شغل باخر 3 صور .. انا شفتهم وصورتهم .. لا شخبطت على ويوه الناس ولا عفست بوسترات واعلانات .. ولا اعرف منو سوى شنو .. x)


احتمال لي الوييك اند ماحط شي .. يمكن بس اقعد اتحلطم على هالاسبوع ..

نشوووفكم على خيير .. جاو جاو

Saturday, December 20, 2008

Physics

سلااام ... الحين الساعة 1 و23 ... وراي امتحان ساعة 12 .. بيوم السبت .. اي نعم .. هذي اول مرة امتحن فيها بالعطلة .. والقادم أعظم !
-_______________-

من له خلق امتحانات بالweekend


المهم .. هذي رسمة عالسريع..رسمة عن النكد العالمي الي حايشنا هالايام :






المفروظ اكون بسابع نوومة .. انشالله نحطلكم بوست بو صور خلال هالايام الياية .. يخي الميدتيرمات صج تبط الجبد ...
لا وعندي ميدتيرم يوم الاحد (الي يكون فيه لاب لي 5 ) ساعة 6 !!! WTF !!!
me go sleep now .. chao chao

Sunday, December 14, 2008

34 ؟

سلام .. عدنا بعد العيد .. بعد الزحمة والطق مطاقق عالمصافط .. بس اليوم البوست خفيف ...

مالي خلق الميدتيرمات T__T

هالاربعا .. مادة التاريخ المعوقة .. رازة ويهها .. الدكتور معطينا ميدتيرم ثاالث هالاربعا .. وبروحي وراي فيزيا وكالكليس السبت والاحد
يعني ... طيييييييط

المهم ... اليوم ماعندي الا صورة وحدة :






اليوم نشروا هالورقة عليها هالرقم العجيب .. الي صاحبي يه سألني شنو يعني هذي ... وهو عارف الجواب .. بس يبي يطحسني ..حزتها مخي كان مقفل من اللاب .. واي شي ببالي قاعد اقوله .. عاد شوفوا الاجوبة :

هاشيموتو : 34 سنة مرت على تأسيس الجامعة ؟
صاحبي : غلط

هاشيموتو : 34 سنة مرت على معاناة الكويت مع العراق ؟ ( تحسون اني صج مقفل )
صاحبي : غلط

هاشيموتو : 34 سنة مرت على تدريسنا لمنهج الجامعة هذا ؟
صاحبي : غلط

هاشيموتو : 34 لتر ماي مادري شيصير فيه ؟ ( متأثر من الترشييد )
صاحبي : غلط

ليما واحد نقز مادري من وين .. وقال " 34 سنة على تأسيس قائمة الوسط الديمقراطي " .. طلع صح !! .. واهم شي يقول انه مشيرها (خير انشالله ..لول)

-_____________________-

بس .. خلصت السالفة الغبية .. كان في بعد جم جواب ..بس ماكنت صاحي حزتها .. فنسيت معظم الي قلته

والله مادري ليش حطيت هالبوست ..كان ببالي احط بوست بو صور معوقة .. مو بو سالفة غبية .. بس بعد .. الوقت يداهمنا (حلوة هذي )
بروح اطالع مباراة ميلان و يوفنتوس .. وورانا ميدتيرمات .. فاحتمال ما نحط لكم شي لي الاحد .. والله العالم .. بس انشالله نصيد لكم اشياء عبيطة ..
نشوفكم على خير .. موفقين بالميدتيرمات .. جاو جاو

Sunday, December 7, 2008

عيد الأضحى [Drawing]







عيدكم مبارك ..
((مع ان المفروظ نعيد للحجاج .. احنا كل واحد فينا خامد ببيته مايدري وين الله قاطه ..لول))

Friday, December 5, 2008

Sleepy ?

سلاااام
اليوم .. وبما اني نمت نومة معوقة ... اخترت لكم هالبوست
-----------

عشان تعرفون ان النوم .. وكثر ما اكون مهووس فيه .. حتى بالصور عندي فولدر مخصص للنوم
اي نعم .. اصور الناس النايمة ..

فاليوم .. بنحطلكم بعض هالصور .. طبعا في كبار وصغار .. يعني ما نفرق بين احد .. هي هي ..

اول شي
بنحطلكم اول صورة صورتها لشخص نايم .. كانت ايام الصيفي .. ياي بمتحن فاينل جيولوجيا .. ادش اللجنة ولا اشوف هالعامل نايم ..






بعدين الناس بدت تدخل المسكين صحى من نومته وطلع ... x)

----------


الحين ... بنعرض لكم صور اليهال اول .. بعدين جم صورة من ايام المدرسة


Enjoy



____________________






__________________________






______________________






_______________________






______________________



___________________________





_______________________


خلصنا من اليهال .. مصور كبار .. خوالي وعمامي ..وعيالهم (كبري) .. بس نكتفي باليهال الزعاطيط
---------

هذول جم صورة صورناهم بالمدرسة :






____________________






____________________



هذي .. الصورة التحطيمية .. اول شي لازم نزهبكم نفسيا عشان تشوفونها .. هذا الله يسلمكم .. سايق رفيجي .. يشتغل حق شركة مادري شنو ..


















_________________







اهم شي الكرفتة x)

-------------------



~hope you enjoyed the pictures~


مادري اذا راح احط بعد بوست قبل العيد ولا لأ ..عالعموم .. نشوفكم على خير .. جاو جاو