Thursday

يوم بكتب العنوان .. كنت بحطه Wednesday .. بعدين تذكرت ان العطلة يمعة وسبت .. شكلي ليلحين احن الى اربعا ايام اول .. لول

_________

اول شي .. اليوم كان عيد ميلاد صاحبي .. خذيناه ..شريناله كيكة .. ورحنا عالبحر ..
قلناله صرت 18 خلاص يعني انت الحين ريال .. يلا نبي نلعبك نقازية .. x)
بس والله حسافة ما لعب .. انا شفتها تذكرت ايام اول .. -_____-

_____________________

يبيله .. واحد يمر ويا عياله يبي يلعبهم .. يشوف 8 صبيان بغول .. كل واحد عمره 18 .. قاعدين يتزلقون ويناططون ..

((ترى محد لعب .. بس كان ودي والله ...لول))

______________________

Burger King الجابرية .. صوب -تكرمون- الحمام .. حاطين sign عبيط ..




يعني احنا خووش ناس نهتم بالبيئة عشان جذي اشتروا منا ..
ترى حتى مكدونالدز عليهم حركات .. لي قبل فترة .. دعاياتهم تكون :
يهال بيطوفون الشارع .. اييلهم العرقووز ويمسك ايدهم .. ومن هالحجي التفاه ..

ماقول الا ... الله يهديهم انشالله -_____-

__________________________

اهني ببيت يدي ... جيكوا غطا (cover) السيارة متنتف عدل ! .. السيارة صارلها مليون سنة على حطتها .. مسكيين الغطا .. لول

________________________

ملاحظة :

بناء على سؤال متكرر وصلني على فترات متفاوتة .. معنى كلمة "تفاه" الي وايد احب استخدمها :
يعني تافه .. مأخوذة من التفاهة .. والي ما يعرف شنو معناة تافه ... -______- ..
المهم ..

Enjoy This Week End ...Cause el Mid Terms Garribaw

(( مادري ليش اتفلسفت بالعنجليزي ))

New Blogger In Town

ابييكم ترحبون بصاحبي الي تأثر -على قولته- من تصويري التفاه .. وبعد تشجيعي له انه يسويله بلوق .. ظهر بلوقه واخيرا عالنت .. فيه صور وتصاميم فوتوشوب .. وانشالله يعجبكم بلوقه ^___^

Neefi



_____________

اليوم بالليل رحت فلم Max Payne .. طلع خرطي .. hitman احلى منه .. المهم .. كنا بالافينيوز .. اشوف ولا مطعم "ناندووز" مسويلهم دعاية عبيطة ..

هذا المنيو ..



شوفوا الدييج عدل ..




شفتوه عدل ؟؟





شوفوه الحين :











لوول .. والله عبيط هذا .. قلتله اوقف خل اصورك ..جان يعطيني المنيو

___________________________

لا وجيكوا عالدياية :
((الصورة مهتزة لاني كنت اتحرك عشان الحق عليه ))

___________________

ملاحظة :
الحين الديج عرفناه لانه رمز للمطعم .. الدياية \ الكتكوت شكو ؟؟ شنو يعني .. شوفوا اكلكم قبل ما ينطبخ ؟
((ادري سؤال معوق .. بس شسوي .. مخي معوق وطلع هالسؤال ببالي ))

نشوفكم على خييير .. جاو جاو

يوم خربوطي

اليوم احس ماله معنى .. امتحنا كويز فيزيا معوق .. رحنا الشويخ ((كان عندي شغلة بعمادة القبول والتسجيل )) ..شفنا الربع .. وصورنا جم صورة معوقة D;



اول شي ..جكينا الريال الي يشتغل عند التصوير نايم ..(( صراحة عندي فولدر صور ناس نايمة ..بس مانقدر نحطه xP ))
هذا ويهه مو باين قلنا عادي .. لول

_________________________

رحنا الشويخ .. خبري اروح مكان التسجيل مال المستجدين ((الي كنا نروحله قبل الدوام حق الجدول )) ...
اروح ..ولا ..






ماكو احد -________-"

__________________

دقيت على بنت خالتي -اهي تداوم بشويخ- .. مرتني بالسيارة ووصلتني ((هذي فايدة الاهل..يعطيج العافية )) .. طلع لازم اروح هالمبنى ..

((تحسون واحد مستجد مايدل شي ))


_______________________________

بس قبل ما تمرني .. صارلي هالموقف .. الي يتكرر معاي بين كل فترة وفترة :


شوفوا ..
اول شي ..قلنا ننطر بالظل على ما توصل ..

وهذا الظل الحلو ..

__________________

عطشنا .. قلنا نشرب ماي .. كا البرادة يمنا خلنشرب ..

الحيييين ... تعال يا حلو اضغط التفاه خل ينزل الماي بنشرب .. نضغط .. مو راظي ينضغط ..

___________________________

ما نقدر نشرب ماي ..الا لمن نضغطه حييييل .. ولمن تضغطونه حيييل .. شوفوا الماي شلون يطشر ..




يعني انسى تشرب بدون ما تاخذلك شور ((shower))
صج شي يبط الجبد x3

________________________

خلصنا من تفاه الشويخ .. رجعنا البيت .. خمدنا 3 ساعات .. طلعنا بالليل شوي مع الربع .. شوفوا هالصورة .. هذا صاحبي مدمن مكدونالدز ... هذي حصيلة اليوم .. شوفوا شماكل :



الجيس دالخه 3 جياسة .. عليك بالعافية .. (( بعدين يقول ابي اسوي رجييييم ))

________________________

هذي الصورة صورها صاحبي الapprentice ( الي تحت تدريبي في مجال التصوير) .. ((يعني انا الي الحين صرت محترف تصوير التفاه ...لول))


ماقول الا ... اووو يامااااال ..

_______________________


بس خلص تفاهنا لهذا اليوم .. ((جم مرة قلت كلمة [تفاه] ؟؟))

يوم الأحد العظييم !!

"-____________-

شكلي كل اسبوع بقعد اتحلطم على هاليوم .. الي صج طوييييييييييييييييل ... مايخلص !!! .. يعني الواحد يتعب .. والمشكلة ان كل موادي لازم انتبه فيهم ولا ما افهم .. يعني مو ماخذين [مقدمة في الهندسة] عشان شوي نرتاح .. اااخ .. الحجي عن هاليوم التعيس طوييل .. بس طبعا .. مثل كل مرة .. في ايجابيات .. يعني اليوم .. الدكتورة حلت لنا مسائل .. Yaaaaay! .. بس طبعا قعدت تتحلطم.. تقول " انا مو ملزمة اني احل لكم مسائل او امثلة .. اقدر بس اعطيكم القوانين وانتوا بروحكم تحلون .. " .. مابي اطب فيها لان كافي انها حلت لنا ... لول

صور اليوم انشالله تشوفونها نص الليل .. ((اذا ما تنامون مبجر )) .. مابين ال11 وال12 ..
شكلي بخلي هاليوم كله جذي .. نقرق على راسكم اول شي .. ونص الليل نحط الصور .. x)
يلا بنام .. تشوفون تفاهي بعد ما ادرس كويز الكالكوليس

__________________________

UPDATE


عدنا ..! ((مالت سبيستون))

أول شي .. عشان تعرفون ان يوم الاحد يوم عظييم .. بدايته غير عن نهايته .. الجو ... اهم شي ان الصبح .. كان برااد وشوية رذاذ ((مانقول مطر لان كان تفال مو مطر )) ..بس وقت المغرب .. الجو مغبببببر x3
المهم ..
صور اليوم مو وايد .. لاني صراحة كنت تعبان .. صج صارت احداث كان المفروظ اصورها .. بس .. فيني نوم -_____-
عالعموم .. خذينا جم صورة للجو الحلو :

________________

__________________

واهني مو مصدق ان السحاب "تفل" علينا .. قلت لازم اصور الدليل .. x)

________________

بعدييين .. عندنا من 2 لي 5 لاااااب فيزيا ... مالي خلق انقل الدرس من اللوح .. قلنا نصوره .. طلعلي كله 9 صور .. T__T
والله مالي خلق اكتب ..

أحلى week end حق أحلى كتابة الدرس P:
________________________

اهني مدرسنا قاعد يتابع طالب وهو يشتغل .. من احسن واونس المدرسين في الجامعة .. مانبي نقول اكثر من جذي بعدين تقولون عني
متملق ((ss kisser@)) لول ..

_______________________

اهني .. جهاز يحسب الوقت .. كان معوق .. يطلع الوقت مضروب في 2 .. قعد المدرس يعابل فيه ..ويطقطق بالآلة الحاسبة ((لان الشباب شغلهم يطلع كله غلط بسبة الجهاز المعوق )) آخر شي قال :"أحسن شي نسويه ..."
جان يمسك الطباشير .. وكتب عليه :



كااااااااااااك .. ماقدرت امسك نفسي .. بطيتها ضحك xD .. وهو بعد شافني اضحك فصل وياي .. لول

_________________________

بعد ما خلصنا التجربة ... احنا 3 .. وكل واحد فيه نوم اكثر من الثاني .. قعدنا نلعب بجهاز التجربة مثل اليهال x)




شفتوا الشي الاسود ؟؟ .. ركبنا عليه سيور من الصوبين .. عشان لمن يتحرك .. يدعم بالسير الي صاحبي ماسكه .. يروح ويرد .. بدون توقف ..

___________________

!! Ready ..Set ..GO




يروووح الشي التفاه ((اسمه glider واحنا سميناه gladiator )) وهو يروح ومخنا رايح وياه .. كل واحد خلاص .. خرف لأبعد الحدود .. قاعدين نلعب مثل اليهال ... يطل علينا المدرس .. ونسوي نفسنا جنه مو مسوين شي .. بيييه اليوم صج كان يوم معوق ..

ادري اليوم القرقة اكثر من الصور .. سامحونا يبا .. بس اليوم كنت طول الوقت دايخ .. ومتعييز اصور ..
وانشالله نعوضها لكم الأيام الياية ..

جاو جاو

فالودة

امس واليوم بدايتهم نكد ..لاني قاعد الصبح بس ادرس .. physics -___-
.. الدكتورة الله يهداها ما شرحت شي ..طول الاسبوع .. عطتنا بس 4 قوانين .. بدون شرح .. بدون تطبيقات .. ويالله .. الاسبوع الياي quiz ... صج جامعة !!

شوفوا .. الصورة تعبر أكثر :

((تحسون واحد درريييس ))

____________________________

امس بعد الدراسة .. عيال خالي اتصلوا .. يلا بنشتري فالودة ..فوقه !..((خوش طلعة مو ؟ )) ...طلعنا بالليل بنشتري فالودة....
اححححلى فالودة من احلى مكان .. [حلويات الكواكب] .. صاير بالديرة .. صدقوني .. ماتلقون مكان يبيع فالودة احسن من هالمكان .. ((أحلى دعاية..لول))
___________


اهني اول ما دخلنا ..

_____________________

في بالليمون والرمان والزعفران .. وفي سادة

___________________

احنا اخترنا السادة .. وخذينا ال"sauce" بروحه ..
((اشتهيت آكل بعد .. x3 ))

________________________

ودعنا المكان ..بس راح نرجع له قريبا -انشالله- ... هي هي هي x)

______________________

الله يعيننا الاسبوع الياي .. وع باجر دوام من 8 لي 5 .. والله مالي خلق T___T

مقتطفات

نعرض لكم اليوم مجموعة من الصور الي صورناهم ...طبعا ولا وحدة لها علاقة بالثانية .. اخترناهم Random

_________________

أول وحدة .. وانا اسوق .. شفت جدامي هالوانيت شايل شجيرة ... صاحبي الي قاعد يمي فهمني وعلى طول صورها .. لول

___________________________________

تتذكرون هذا ؟ أيام كاس العالم 98.. لقيته ببيت يدي ..بمكان مهجور .. لول
"اوليييه اولييه اولييه اولييه .. احنا ز*اان ..احنا ز*ااان " هذا الي كنا نسمعه يقوله .. x)

_______________________

دميرة ... xP

_________________________________

Camera-man بمعنى الكلمة ... x)

(( ماراثون الوطني ))

__________________________________

دوارف فرع من فروع جمعية سلوى..((مسكينة الزحلاقية .. اشسوت عشان يصير فيها جذي..))

________________________________________

نختم جولتنا بصورة .. ممكن تلوع جبدكم .. علج لازق ب-تكرمون- الجوتي .. كان مزعج .. لانه لازق فيه بعد جيس كتشاب .. فكنت لما امشي اسمع صوت خرخشة يبط الجبد x3

بدليات

بيييه صارلنا جم يوم مو حاطين شي ...
اليوم بنحطلكم صور كتابات فيها "بدليات" ..

1- أول شي ...عندنا بالmenu عصير طارج ((ترى هذا مطعم يديد ))

_________________________

2- اهني صاحبي شرى دوا حق البلاعيم (حبوب مص )
شوفوا عند طريقة الاستعمال .... "دعه يزوب ببطء" هذا كلش مو مصري الي كاتبها

____________________________

3- آخر وحدة ...
ياجماعة .. الي يبي يأجر مخيم VIB ترى هذا مخيم أصلي ...
إلى كاتبه يحسسني انه يقول Beoble بدل People

x)

يوم الأحد=يوم التعب

توني راد البيت وتعبااان .. انشالله احطلكم الصور عالساعة 11 ..أو بالكثير 12 ..
هذا وعلى أمل اللقاء بكم اليوم في منتصف هذه الليلة
وشكرا ..(( يعني نشرة رسمية))
__________________________

UPDATE

الساعة 11:52

اليوم ما عندي الا 8 صور وراح احطهم ^___^ يعني البوست مو طويل مثل الاسبوع الي طاف ... لول

بداية اليوم بداية غريبة .. الجو كان حلو !! ... فقعدنا بالجامعة نصور .. ((يعني متأثرين بالجو الطيب ))

_______________________________

واهني اذا دخلتوا الممر يصيبكم التيار الهوائي ((يابو المصطلحات الصعبة))

__________________________

بعدين لاحظت شي ... الساعة 8 الا ربع .. ليش ماكو احد ؟!! .. الظاهر الانتخابات صج لها تأثير قوي عالدوامات .. لول


هذا الممر المؤدي إلى مبنى 11خ .. داااايما مزدحم .. بس اليوم ... احم ..

_____________________

واهني دااايما نشوف البنات قاعدين .. مقابل كلاسي(( my class)) ..بس ..اليوم ..ماكو ولا قطو

___________________

شوفوا الكلاس .. ماكو احد !! .. ساعة 7 و35 عشان ما اكون ظالم ... الدكتور عادة يوصل 8 الا عشر .. ودايما القاعة متروووسة ناس من 7 ونص ..

والله الانتخابات شي عجيب!

___________________

وصلنا لآخر فقرة من فقرات اليوم التفاه ...

كان عندي فراغ بو ساعة .. تريقت فيه .. وبعدين ما عندي شي اسويه .. والجو حلو .. قلت اقعد برا .. قعدنا .. ربع ساعة جان امل .. لول
اشوف الي حواليني شقاع يسوون .. ولا هذا يايبله ds وطايحله .. والله لاعبها صح .. لول

_________________________________

من الملل .. طلعنا نوتة .. وقعدنا نرسم خرابيط .. ((لاتخافون ماني متفلسف واحطلكم شخابيطي )) ولا فجأة .. اسمع صوت شي ينبط .. واشوف الجماعة الي مقابلي (من ناحية اليسار) مخترعين .. كتشب طشر عليهم .. ندور المصدر .. ولا يطلع جيس كتشب تحت طاولتي ..

_______________________________



_____________________

انشالله طولنا عليكم (اي انا ابي اطول ) .. وانشالله خليناكم تدوخون (من ملاقتي ) ..وانشالله نشوفكم عما قريب ..((وع باجر وراي quiz والي عقبه هم quiz .. يعني باختصار .. زفت الطين ))
والسلامو علييكوم .. ورحمتوو الله .. وااااا ..بركاتووه ((المعلق مال كرة القدم ))

Trade Marks

دام ان week end .. والحين ساعة 12 ونص..يعني يوم السبت ...ماكو دوام ..قلت اليوم احطلكم صور علامات تجارية ... التقطناهم عبر مر العصور ((اهم شي ..عمري 1000 سنة وانا مادري ))



هذي أول صورة رسمية صورتها بتلفوني .. كانت بداية ظهور هواية التصوير المعوق x)

_________________________

واهني أول مرة اروح الافينيوز...

______________________________

هذي مرات احطها بالمسنجر .. عاجبتني .. خصوصا برمضان xP

___________________________

هذي والله مادري اذا احطها ضمن الtrade marks ولا لأ ... صراحة ضحكتني .. عشان جذي حاطها ... المفروظ تكون لAdidas بس شوفوا شلون مكتوبة

((صورتها ايام المدرسة.. اهم شي ان الصبي ما يدري اني مصوره .. وان في لزقة سعر عليها .. ))

_______________________________________

آخر صورتين .. صورتهم بكافتيريا الهندسة .. اخس شي بموضوع التصوير كله .. لمن اصور يكون شكلي .... احم .. لا تعليق \:


حلاته هالعلامة تكون بالعنجليزي...بس هذي واضحة ..عشان جذي صورتها

__________________________

هذي كل ما اشوفها اشتهي اشرب كولا .. بااااااااااااااااااارد x)








وانشوفكم يوم الاحد .. اذا الله كتب لنا نصور شي P=

Hardluck

يوم الانتخابات .. للأسف ما صورت شي .. كان فيني نوووووووووووم ((انا كل فيني نوم بس اليوم زاد شوي))كل الي صورته 3 صور ... و ولا وحده منهم للهندسية ((ليش؟ لأن راح تلقون كل الناس حاطه فيديوات بيوتوب عنهم .. عشان جذي قلت نغير ..ونحط صور محبطة...عكس الناس..لول .. ))

... صدنالكم جم شغلة تبين مدى احباط القوائم الانتخابية الأخرى ((يابو اللغة العربية))..
ومبروووك للهندسية .. هيا هيا هندسية !!

___________________________________

النكد .. طبعا ما صورت الا لمن كان المكان فاظي .. عشان لحد يشوفني جذي "صيدة" وانا أصور ...لول
مساكين هالبوسترات .. اهمه متحبطين أكثر من الناس نفسهم ...

___________________________________

هاردلك للمستقلة .. وهاردلك لq8honey ... يالله ماعليه ...هذي الدنيا

ممكن دقيقة من وقتك

اليوم عندنا رسمة .. صج شوي متأخرة لأن باجر الانتخابات .. بس شسوي .. اليوم يت على بالي .. مشغوولين بهم الدراسة x)
الرسمة تعبر عن معانات كل مستجد أول ما يدخل الجامعة..وانشالله تعجبكم
^___^

المهرجان الخطابي

المهرجان الخطابي الوحيد الي شفته((لحقت عليه)) .. لا ومو كله .. اليوم .. كان للهندسية ..تحت عنوان ((كشف الحقائق)).. كان المهرجان حماسي - شوي زيادة عن اللزوم- ... بس بشكل عام ..زين


الي بالنص يمسح ويهه اهو الي كان يتحجى .. اعتقد رئيس القائمة ..

_____________________________

لقطة من فوق ((يعني صايدها ))

_____________________________

جانب من الحضور .. ((لول جني اكتب بالجريدة ))

__________________________

اهني بالغلط وقفت يم الspeaker وبط مخي

_______________________


واهني فيديو الشيلة بعد ماخلص المهرجان .. لحقت عليها من الاخر ..

Cars

طبعا اليوم صدنالكم سيارة ثانية من سيايير الهندسية .. والي ذكرتها اختي q8honey ..

HUMMER ... قولولي ايهي احلى ..الهامر ولا المورانو الي حطيتها قبل جم يوم ؟

______________________________

__________________________

____________________________

وعلى طاري السيايير ... جيكوا سيارتي شصار فيها من زحمة المصافط T__T

_______________________________

_____________________

_____________________


واليوم وانا رايح السيارة برجع البيت .. ولا اشوف هذا ... وع ..شي يلوع الجبد..شكله طير ياي مسويها وماشي .. او واحد طشر حليب ..لول ..طبعا على طوول مسحته

From 8 'till 5

اي نعم ... دوامنا اليوم كان من 8 الصبح لي 5 .. فعشان جذي راح يكون البوست طويل اليوم .. شنو بس انا اطحس .. لازم انتوا بعد شوي تحسون بمعاناتي...أنا ماشالله عليي اقوم الصبح ساعة 6 وربع ... يعني اليوم .. هي هي .. كلش ما تنقعت بالكلية ...المهم .. بنحطلكم الأحداث الي صارت لنا بهاليوم ..بس أول شي .. حبيت احطلكم صورة الدوار الي وصتني عليه اختي q8honey ..لول ..قلتلج راح احطه

SPECIAL REQUEST

شوفوا معاي دوار الكلية الحلو .. ساعة 12 :

______________________________________

ترى هالسيايير الي صوبي صافطين مو قاعدين يمشون .. بس حبيت اخبركم يعني P=

_______________________________________

__________________________________________

المهم .. نعود لمحور حديثنا .. بلشنا يومنا بشوفتنا لمعمر الكلية .. والله نسيت اسأل عن اسمه .. عالعموم .. اهو القطو الي كل من درس بالكلية شافه ..لا وكان واقف عند برادة البيبسي عشان ياخذ له قوطي لمن واحد يشتري .. كان في بنت مسكينة تبي تشتري وهو محنج ..لول
((مادري شفيني قاعد اسولف وايد)).. المهم .. لقطته مع ولده\بنته .. لا وعطوني ذاك الpose ..تحسون انهم متعودين x)

_____________________________________

اهني طريجنا للتصويت ..مايحتاي اعلق اكثر ..الكل عارف العملية ...

__________________________________





______________________________________

الى بوابة الجحيييم ((الهوية لو سمحت ؟))



( هذا مو انا طبعا P= )
________________________________

Ducati

موبس انتوا عندكم مهرجان "بلالين" ...حتى احنا بالعلوم .. لول

_____________________________________


وطبعا الي قعَدنا((اهم شي الشدة)) لي 5 ..لاب فيزيا .. 3 ساعات لاب .. طحس!!



_____________________________



((الfocus مال الكاميرا محنجها وياي ... مو راظي يركز على الكرة x3 ))
___________________________________


استرجاع ايام التفاه في الثانوية..



________________________________________

ااااخ .. طحس × طحس ...
وبعد عناء طويييل ... وتفاه كثيير .. لازم الواحد يتغدى .. لأني ماكنت ماكل شي من الصبح الا موزاريلا ستيكس .. فما اتغديت الا بعد اللاب .. يعني 5 .. لول
وما يشبعني الا . وجبة سريعة من اسرع برجر كنج .. وبالعافية علي xP

Week End

اليوم ماكو دوام .. قلنا نحط صور قديمة -شوي- ..

أول شي .. كنت رايح المكتبة بشتري أغراض حق الجامعة ... ولا القى هاللافتة .. الي صج حسستني بالنكد

________________________________

واهني .. كنا رايحين مع الاهل مطعم بالافينيوز ... اهو ايطالي .. صاير برا .. المهم .. يخلونك ترسم عالطاولة .. وهذي شخابيطي :

________________________________

وطبعا العايلة الكريمة رسامين بالفطرة ... استغلوا السالفة صح D;

_________________________

واهني صورة من زماااان ماخذها من سوق شرق ((بالغلط رحتله )) ... شوفوها .. البنت تكسر الخاطر ...الله يسامح الي راسمها .. لول

_______________________________

واهني ... باستراليا ماخذ الصورة ... لاتعليق . x)

المصافط

اليوم شغل خفيف .. ما صورنا الا صورتين ثلاث .. قلنا نحطلكم صور المصافط :




هذي الساعة 7










وهذي الساعة 12 .. طع الفرق ..لول

((الصور صغار لاني مصورهم بنظام panorama .. ضغطوا عليهم تشوفونهم اوضح :] ))

ناااايس !

اليوم وأنا متوجه للمصافط .. في سيارة لفتت انتباهي ... طبعا تابعة للهندسية نظرا لكل الشعارات الي حاطهم عليها ... والله بغيت أصور صاحبها وياها بس ماكان موجود .. شفت هندي يمها شافني بصور قام يتمشى يمها عالبطئ ...قلت خوفك أصوره يمها بعدين الناس تحسبه صاحبها ... فنطرته يوخر ...لول
((جم مرة قلت" يمها" ؟ ))

______________________________

______________________________

طييييط

في جم صورة لنفس يوم المكتبة نسيت احطهم ... قلت احطهم مع صور اليوم ...
المهم

اليوم مريت بممر معوق ... ولا القى شي يلفت انتباهي .. شي لونه اخضر ... شايفه من قبل ...
بمدرستي !! ...
طحالب !
كااااك .. لقيت طحالب بالجامعة ... يلا زين مو بس مدرستي فيها هي هي هي... ((ما خذيت راحتي بالتصوير لأن كان في ناس يمرون ... فكان شكلي حده غلط x3 ))

_______________________________

____________________________

وشفنا هالقطوة المسكينة .. حليوة.... زين لحقت عليها على طول انحاشت

__________________________

والحين .. بنحطلكم صور أول امس ملوت المكتبة ... كنت رايح ويا ولد خالتي ... فشوفوا الكتب الي خذيناهم .. افف صج طحسة ... الله يخلي كتب الثانوية xD

____________________________

وهذا أكثر شخص بط جبدي بالمكتبة ...
المحاسب -___-
ماكو أبرد منه ... الي يمه كلهم اسرع منه ... وانا على حظي المنحوس صفيت عنده ..
ادري طبيت بالمحاسب وايد ..بس شسوي .. من البطء الي فييه -___- ((شلت ويه البنت عشان محد يسويلي سالفة .. اما الشباب ماعتقد يخافون ان الناس تشوفهم ))

أول يوم بالجامعة

هي هي .. هذا أول يوم لنا بالجامعة (كطالب رسمي فيها طبعا) ..الحمدلله .. دكاترتنا تمام التمام ... والمواد أوقاتهم نااايس ...

بس تعالوا شوفوا لمن نبي نطلع ساعة 11 ونص من الخالدية نروح الشويخ .. عشان نشتري كتب ... الزحمة واااااااااااااايد حلوة ... شقتي شق !! x3
ساعة الا ربع بس عشان اطلع من المصافط ... أروح عالدوار التفاه ... وبعدين 40 دقيقة عشان نروح الشويخ (الدائري الرابع ) ... ونرجع بيتنا .. هم ساعة الا ربع ... يعني اليوم انا مكيف D:


نبلشلكم الصور من المصافط :



اهني بس قاعد اشوف السياير وهي واقفة بمكانها ... شي محبط -___-







وأثناء حالتنا الكسيفة ((يا بو الكسيفة )) ..شفنالنا سيارة حلوة بس وصخة -___- ..بورش .. بس مالحقت اجيك على طرازها .. اول ما صورتها ولا اللين يحرك ...

________________________

وبعد عناء طويييل ... مدته 45 دقيقة ....قدرنا نوصل للخط السريع ... اهم شي انه سريع :


جيكوا النكد الي صار فيني لمن شفت كل هالسيارات جدامي ...






لا .. وهذا بعد طالعلي ماخذ اللين كله حقه...

_____________________________

انزين ... وصلنا مكتبة الطالب التفاه ... ولقينا الكتب الي بغيناها ... تعال ادفع يا حلو ... محاسب واحد وبطييييء بيحاسب حق 30 شخص ... الصورة تعبر اكثر T__T

________________________________

والله يخي تنظيم ماكو .. بغيت ازفهم .. بس كان وراي صفة شطوولها ... قلت مالي خلق اتفلسف واأخر الناس الي وراي ... ولو تلاحظون ... البيبان الأمامية مصكرة ... ((الرمادي)) ..ساعة وحدة صكروهم ((أنا خبري 1ونص ... زعلانين على نص ساعة ؟ ))
راحوا طلعونا من باب خلفي معوق ... المهم ... شرينا وافتكينا ..ردينا البيت وكلينا ... والحمدلله على كل حال ^____^