Saturday, January 31, 2009

مادة التاريخ التفاه



سلااام
اليوم بطلع حرتي بهالمادة -او بالاحرى دكتورها- لان صراحة انخدعت فيه وحسبته "خوش" دكتور رغم الي قالولي عنه ...فطلعوا اهمه الصح .. المهم


أول شي مادة تاريخ الحضارة العربية الاسلامية (( بروحه الاسم طويل )) مادة كلها حفظ × حفظ ، غير ان فيها تواريخ واحداث وايد ... اسامي الناس بروحهم يصلحون مادة بروحها ===> وهذا الي سواه دكتورنا العزيز
تخيلوا .. دكتور يهمل كل الي بالمادة ويركز على = اسامي الناس
من القائل \ من قيل عنه \ من الملقب ب \من الذي فعل كذا \ من الذي حدث في عصره كذا \ في عصر اي خليفة حدث \من مؤلف كتاب \ ما اسم الكتاب الذي ألفه فلان \ ... الخ

والله وايد !!

طبعا اهو معطينا 3 امتحانات قبل الفاينل ... ماني متكلم عنهم لانهم كلهم نفس الفاينل

المهم

الفاينل :

تخيلوا ..كنت مع ربعي وقلت على عبط .. حلاته الدكتور اييب الامتحان 100 سؤال .. طلع صح ! 100 سؤال
76 منهم بس اسامي .. بس اسااامي !!
8 عرف ، و 4 اذكر

============

شوفوا نموذج من الامتحان






صفحة كاملة بس اسامي


===================




لا واليوم(السبت) رايحله بغيت اكلمه .. على بون (بو ان ) الدكتور موجود .. واهو حاط على مكتبه انه يوم السبت يوم المناقشة









((اهم شي انهم مشخبطين عالكلام ))






لكن ماكو ولا قطو بكيفان ...

نصيحة حق الي مو ماخذ هالمادة .. لا تاخذها عند الشمروخ

============================



وبالنهاية .. بما انه قالنا جملة بالامتحان الثاني عجبتني حييل .. رحت رسمته بناء عليها :











====================


أدري بوست غبي .. بس كنت حاب اتحلطم شوي زيادة عن كل مرة
نشوفكم بالبوست الياي على خير
جاو جاو

Thursday, January 22, 2009

مغامرات هاشيموتو 2

سلاااام
اليوم متحبط .. قعدت الساعة 9 عشان اشوف درجة تاريخ الحضارة الزفت .. طلع الدكتور مو ياي .. نطرناه ساعة ونص ولا يه .. طيييط !
عاد هالمادة بخصصلها\ابي اخصص لها\أريد أن أخصص لها .. الخ) بوست بروحه.. من كثر ماني متعقد منها ومن الدكتور .. (( احلى شي اني رسمته ))
=)



المهم .. نرجع لمغامراتنا المعوقة
----------------------

بنبلش من اليوم ونرجع قري (ورى \عكس جدام\عكس أمام..الخ)
اليوم رحت كيفان .. ولأول مرة في حياتي D=
بس المكان .. احم .. كلش ما يشجع









مدرسة مو جامعة .. والله مادري شلون متحملينها
كنت بصور اكثر .. بس خفت الناس يحسبوني قاعد اصورهم بعدين يسوونلي سالفة لوووول


المهم .. وانا قاعد انطر الدكتور الي ما حضر .. شفت 3 سودانيين .. واحد منهم قاعد يعلمهم نحو @@









واو حرف عطف مادري شنو .. وع .. على طوول وخرت



وبجذي .. انحشنا من كيفان .. بس للأسف بنرجعلها يوم الاحد -____-

=================


أمس .. رحت أودي سيارتي صيانة دورية (maintenance)

هناك .. العمال وقت ينظفون السيارة .. الصوت يكون حييييل مزعج .. يبط الاذن






======================



انا كنت قاعد داخل .. بس من الملل طلعت اشوفهم شيسوون بالسيايير ..
ولا الاحظ ياهل مسكين ابوه مقعده يمه (بجنبه\بالقرب منه..الخ)
تدرون ليش مسكين ؟










كان قاعد طووول الوقت بهالحالة .. وكل شوي يقول حق ابوه "بابا متى يخلص؟"
والله مسكييين

=================



اول امس .. اخر يوم امتحان .. مو كانوا مصكرين الطريج حق المؤتمر البطيخي ؟ اهني الزحمة كانت جميييييلة ..






نكد !



==========


بنفس اليوم جكينا واحد نايم (ما اطوف هالسوالف )






عامل قاعد يتشمس =)
عاد صج الجو يومها كان عجيييب


=================



في شغلة عبيطة بمبنى فايزة الخرافي .. بالاصنصير (elevator ) ..صورت بس المشكلة مو واضح عدل ..






لو تلاحظون تحت كلمة "الدور" .. في واحد كاتب ((لييش ؟! )) .. وبعدها هم واحد ثاني راد عليه كاتب :(( اكتشفوا ..))==> هذي ما تبين بالصورة
لووول


===================


اخر صورة معوقة لهذا اليوم :



يقولكم احرصوا على معرفة ما يشاهده أطفالكم في التلفاز ...








!!!!!

شنو هذيله ؟؟!! .. اشكالهم مرض ! (sick حق الي يحبون عنجليزي P= )

-----------------------------

وبجذي انتهت رحلتنا لهذا اليوم

والحين .. نروح نتغدى ويا الربع
على امل اللقاء بكم في بوست جديد (بوست تاريخ التفاه )
والسلام عليكم ورحمة الله وبركاته

Wednesday, January 21, 2009

Tagged By Mar8adoosh



======================


الصورة تخرع مو ؟ P=


هذي حالتي اول ما قالتلي Mar8adoosh اني Tagged .. اخترعت ..لول (تحسون واحد مايدري شالسالفة )
فبعد التحري عن الموضوع .. عرفنا شنو لازم نسوي-اعتقد- .. لوووول
قبل ما اكتبه .. حبيت اقول ..

خلصت امتحاناااااات !!!!!

حاع حاع حاع .. ((بس الله يستر من الدرجات ))
هاردلك للي ما خلص .. موفقين انشالله (هاردلك ،موفقين ؟ شالتناقض )

-----------

المهم :






the rules for the Awardee :

1. Post the logo on your blog (donno shno y3nee LoL)
2. Add link to the person who awarded it to you
3. Award up to 10 blogs
4. Add links to those blogs in your award post
5. Leave a message for awardee on their blog


Here Goes


1- Mar8adoosh :
دايما اذا كان مزاجي تحلطم اشوف بوستاتها .. لوول
تعطيني دفعة معنوية للتحلطم .. وناسة .. التحلطم شي عجييب .. وتحلطمها يحسسني انه من قلب !
فإلى الامام ونبي نشوف المزيد
=)



2- Sinful Eye's :
هذا الشخص .. ابو القصص العجيبة .. ماكو شي ما صار فيه .. سوالفة حييل عبيطة
يعني الي صج يبي يقرا مواقف معوقة .. يحصلهم عنده.


3- 3bady :
هالشخص دايما يناقش المواضيع الي تمس العاطفة والروح .. فدايما نشوف تفاعل الناس معاه .. شي جميل نتعرف على مشاعر الاخرين تجاه موضوع معين. (مادري ليش اسم بلوقك كويت تست .. تحسسني انك قاعد تسوي علينا تجارب ) لول


4- المباركية :
عقله اكبر من سنة .. مطلع عالاشياء .. فتشوفونه يكتب بكل شي
الريال يحب ينوع بمواضيعه .. شي طيب
=)

5- q8honey :
الانسانة الي كل شهرين تكتب بوست .. لكن سوالفها صج عبيطة .. وانشالله الwish list يتحقق
=)



6-Ducati Q8i :
هذا باختصار .. شخص مرح .. ويحب المطاعم.. تقدرون تقولون : ملك المطاعم .. لول .. اذا سامع عن مطعم بس مو مجربه .. شوف الreview عند ديكاتي .. يعطيك كل التفاصيل الي تحتاجها
والمشكلة كل يقول انه قاعد يسوي رجييم .. الله يستر بس ..لووول


7- Malak :
دايما تتكلم عن مواقف حياتية تصيرلها .. قصصها خفيفة الظل (حلوة هذي ) وماتنمل
^__^



8-Sozuke :
هذا يسوي الشغلة الي كنت ناوي اسوي بلوق عشانها .. ((تقييم الافلام )) .. فدايما اشوف شنو اخر افلامه الي علق عليهم .. ومعظم الاحيان تقييمه يقارب تقييمي




9- بن غيث :
مع اني ماصارلي فترة متابعه ... لكن دايما انتظر رسماته اليديدة .. ناحول نتعلم منه ونطور من رسمنا



10- Gzz_Hzz :
صورها حييل عبيطة .. وايضا رسامة .. البلوق بعده يديد .. فناطر جديدها كل يوم


=========================

خلصت اللستة .. سويتها عدل ولا لأ ؟؟

نشوفكم ببوست بعد جم يوم
وع .. الحين تعال انطر الدرجات على ما تطلع
x3
جاو جاو



Thursday, January 15, 2009

يمشي على الدانة

سلااام .. بدل ما اكون قاعد ادرس .. سويت هالفيديو العبييط .. مقطع يمشي على الدانة ((شادي الخليج ))
عندي سؤال قبل ما تشوفون الفيديو .. شنو يقولون بعد "يمشي على الدانة " ؟؟ ناس تقول :

1- اي والله

2- القبقب

3- واحد قالي ((هيلوكبتر ))


اذا عندكم اجابات ثانية ... نورونا
(=

Enjoy








Monday, January 12, 2009

كاريكاتير عن العرب وغزة


سلااام .. هالايام الكل طاحس بالدراسة ... الفاينل قرب !!
==========

ايي.. شفتوا شلوون .. دخلنا بالسياسة .. يخي والله العرب يقهرون .. فنزويلا طردت سفير اسرئيل .. وناوية تدز اول طيارة مساعدات لفلسطين .. وحكامنا ...











========================


** موفقين جميعا بالفاينلات **

Wednesday, January 7, 2009

رحلة عاشوراء

سلاااام ... اليوم بوستنا عن ليلة العاشر من محرم .. تعودنا مع الوالد ورفيق الوالد ان نحوس بالحسينيات و"نتطمش" عليهم من 10 ونص لي 3 الفير (الفجر) .. والحمدلله صارلنا 6 سنين نسوي هالشغلة .. فقلنا نصورلكم ..ونوريكم شنشووف ... (بس مو يطلعلي واحد يكفرني مادري شنو .. P= )


(تحذير : البوست شوي طويل )

===============


دايما نبتدي جولتنا بمسجد الامام الحسين(عليه السلام) \الحسينية الاشكنانية ==> الي يعجبكم









==================





اهني من داخل كانوا شغالين لطميات :








بس صراحة .. ماكو احد بالحسينيات !! الناس هالسنة كلهم منخشين ببيوتهم ويطالعون التلفزيون .. السنين الي طافت كنا غصب ندخل من الزحمة



================






عالعمووم .. انتقلنا الى حسينية الايرانييين ( عرجنا ... لووول) بشارع عمان .. واذا بتتأكدون اذا اهي ولا لأ .. تشمون ريحة الكباب من بعد 3 كيلو... عاااادييييي D=

هذيلي شي ثاني .. شغالين بالسلاسل :






================



الي حتى هالياهل الزعبوط وياهم ..





شياب يتعبون ويطلعون بس اهوشغال..


==============



اييي .. وهم عليهم حركات هالايرانيين .. يسوون مثل تمثيلية جدامنا ..








================



يمشون بمثل موكب .. كل واحد بييده نار \عمود بخوور .. الي اهو ....وبينهم ضريح الحسين (ع) ...





==================



خلصنا منها .. ننتقل الى الحسينية الكربلائية .. متأملين ان نشوف باسم الكربلائي .. ((عاد ولا مرة شفناه ))

وصلنا .. وطبعا .. مو زحمة .. الشي الي صج خلانا نستغرب حيييل .. فانتهزنا الفرصة .. ودخلنا .. بس طبعا دااخل .. زحمة موووت .. حتى نفس ماكو .. برا درجة الحرارة 10 .. داخل ..30 + رطوبة عالية .. لول






============



نشووف ولا باسم جدامنا .. انا واخوي على طووووول شغلنا الفيديو .. لوووول




video




===================




بعد الرداديات (اللطميات) دايما ختامها أدعية ..





====================






======================


ايي ... في شغلة حيييييييييييييييل قاهرتني ... الناس الي تاكل .. ماتعرف تقط وصاختها بالزبالة\بسلة المهملات .. الخ ؟!!!!
يعني ..يرحم والدينكم .. تاخذون من الناس الي توزع بالشارع .. ما تعرفون تخلون زبالتكم بييدكم\بسيارتكم لين تمرون يم اي زفت وتغلونه فيه !! .. والله ناس وصخة ... مانقول الا .. الله يهديهم انشالله .

============



شوفوا وعطوني رايكم :






هذي الصورة حق بيت بجانب الكربلائية قبل سنة :







===================




وشوفوا هذي مالت هالسنة


(الوصاخة أقل لأن الناس كانت اقل )



تكفة ... كل سنة اشوف بيتي وصخ جذي !! .. والله حالة

-_____-

==================


المهم

ننتقل لآخر محطة .. مركز الطبيييخ ..



الجدور الي يسون فيها العيش الاصلي :







=================


بهالحسينية .. عمي اهو شيف الطباخين .. لول
قاعد يشرح حق رفيج الوالد عملية الطبييخ





================


يعطيك العافية بو محمد





===================

نشووووفكم على خيييييير

جاو جاو

New Blogger In Town

سلاام .. اليوم حبينا نرحب بالبلوقر \المدونة الجديدة
gzz-hzz

انشالله تستمتعون بقراءة صفحاتها ^__^

Welcome 2 Blog Society

-----------------------

||بوستي القادم انشالله يكون -عالأكثر- بعد يومين ||


Saturday, January 3, 2009

رحلة إلى استاد جابر

اول شي .. حبينا نقولكم .. ان معرض الرسم .. كتبوا عنه بجريدة الوطن ..وطلعت بالصورة D= :



لووول .. بس ظهري طالع .. ويا جاكيتي بو الشطرنج .. x)


=============





عالعمووم نرجع لبوستنا الاصلي :


(تحذير : البوست طوييل )



ايييه .. يوم السبت الي طاف ( مثل ما قلتلكم اني بطلع ارفه عن نفسي) .. رحنا استاد جابر .. كانت خووووش طلعة بعد الامتحانات العفن ..مالنا خلق مقدمات عن الاستاد وجذي .. فبندخل بالموضوع سييدة :

هذا الاستاد بالطريج :







---------------------------




لقطة قريبة







-----------------------------------



طبعا اول ما دخلنا .. دخلنا صوب المنصة الاميرية (اي يبا كشخة مو اي كلام )
شفنا هالخريطة ( نظام مدينة ترفيهية كبييرة ) :






-----------------------------



وهذي المنصة .. بس طبعا بعده مو مأثث الاستاد .. بعد ما تسلمه وزارة الاشغال كليا للهيئة اهمه يأثثونه ( احس قاعد اقرا نشرة اخبار) :




الجام طبعا كله مضاد للرصاص .. حوالين الغرفة هذي صالتين .. وحدة تكون مثل ديوانية .. والثانية حق الاكل والبلعة ...بس مو مصورهم لانهم فاظين مو مأثثين (كما تم التنويه سابقا )


وهذا منظر الملعب من المنصة :



-------------------------------




واحنا طالعين من الغرفة .. لفت انتباهنا شغلتين ... والمشكلة اثنينهم متعلقين ب-تكرمون- الحمام :



هذي مادري ليش .. بس الواحد يوم يشوفها لازم يتنح عندها شوي .. لوول










----------



والثانية :







لا بالله فصخوا الحيا .. لووووول

-------------



ايي على طاري المنصة الاميرية ... شوفوا هذا متأثر منها كاتب عالطوفة :




-------------------------




بعدها شفنا غرفة المعلقين .. تكفون شوفوا الاجهزة :




احس الجهاز الي بالنص يغير الصوت .. لول
طبعا الغرفة تمنع\تحجز..الخ الصوت .. يعني ما تسمع حس ولا واحد ..

---------------


الحين .. بعد ما خلصنا من الداخل ... ننتقل الى الخارج .. الى الملعب

enjoy the pictures





-------------------------





--------------------






-------------------





------------


بعدها قلنا الا بنصعد فوووق صوب الكشافات .. وصعدنا .. وبالطريق الى الصعود :






تخيلوا .. 60000 كرسي وصخ .. جم واحد يحتاجون عشان ينظفونهم ؟ !!


--------------------



وااايد @@

-----------


صعدنا .. وصورنا :




(صورت فيديو بس طلعت مصوره بالمقلوب .. يبيلي اعدله واحطه .. انشالله تشوفونه بعد جم يوم )

================
عالعمووم ..



صورة للملعب من فوق :






-------------------


الكشافات العجيبة :


--------------




---------------


نصل لختام جولتنا في استاد جابر .. وطبعا لازم نختمها بصورة عبيطة :


عطونا بيبسي ..


وماكان في "سلة قمامة" بالمكان .. فشسوينا ؟
















---------------

انشالله البوست عجبكم
نشوفكم على خييير
جاو جاو