سلاااام
اليوم متحبط .. قعدت الساعة 9 عشان اشوف درجة تاريخ الحضارة الزفت .. طلع الدكتور مو ياي .. نطرناه ساعة ونص ولا يه .. طيييط !
عاد هالمادة بخصصلها\ابي اخصص لها\أريد أن أخصص لها .. الخ) بوست بروحه.. من كثر ماني متعقد منها ومن الدكتور .. (( احلى شي اني رسمته ))
=)
عاد هالمادة بخصصلها\ابي اخصص لها\أريد أن أخصص لها .. الخ) بوست بروحه.. من كثر ماني متعقد منها ومن الدكتور .. (( احلى شي اني رسمته ))
=)
المهم .. نرجع لمغامراتنا المعوقة
----------------------
بنبلش من اليوم ونرجع قري (ورى \عكس جدام\عكس أمام..الخ)
اليوم رحت كيفان .. ولأول مرة في حياتي D=
بس المكان .. احم .. كلش ما يشجع
مدرسة مو جامعة .. والله مادري شلون متحملينها
كنت بصور اكثر .. بس خفت الناس يحسبوني قاعد اصورهم بعدين يسوونلي سالفة لوووول
المهم .. وانا قاعد انطر الدكتور الي ما حضر .. شفت 3 سودانيين .. واحد منهم قاعد يعلمهم نحو @@
واو حرف عطف مادري شنو .. وع .. على طوول وخرت
وبجذي .. انحشنا من كيفان .. بس للأسف بنرجعلها يوم الاحد -____-
=================
أمس .. رحت أودي سيارتي صيانة دورية (maintenance)
هناك .. العمال وقت ينظفون السيارة .. الصوت يكون حييييل مزعج .. يبط الاذن
======================
انا كنت قاعد داخل .. بس من الملل طلعت اشوفهم شيسوون بالسيايير ..
ولا الاحظ ياهل مسكين ابوه مقعده يمه (بجنبه\بالقرب منه..الخ)
تدرون ليش مسكين ؟
كان قاعد طووول الوقت بهالحالة .. وكل شوي يقول حق ابوه "بابا متى يخلص؟"
والله مسكييين
=================
اول امس .. اخر يوم امتحان .. مو كانوا مصكرين الطريج حق المؤتمر البطيخي ؟ اهني الزحمة كانت جميييييلة ..
نكد !
==========
بنفس اليوم جكينا واحد نايم (ما اطوف هالسوالف )
عامل قاعد يتشمس =)
عاد صج الجو يومها كان عجيييب
=================
في شغلة عبيطة بمبنى فايزة الخرافي .. بالاصنصير (elevator ) ..صورت بس المشكلة مو واضح عدل ..
لو تلاحظون تحت كلمة "الدور" .. في واحد كاتب ((لييش ؟! )) .. وبعدها هم واحد ثاني راد عليه كاتب :(( اكتشفوا ..))==> هذي ما تبين بالصورة
لووول
===================
اخر صورة معوقة لهذا اليوم :
يقولكم احرصوا على معرفة ما يشاهده أطفالكم في التلفاز ...
!!!!!
شنو هذيله ؟؟!! .. اشكالهم مرض ! (sick حق الي يحبون عنجليزي P= )
-----------------------------
وبجذي انتهت رحلتنا لهذا اليوم
والحين .. نروح نتغدى ويا الربع
على امل اللقاء بكم في بوست جديد (بوست تاريخ التفاه )
والسلام عليكم ورحمة الله وبركاته
والحين .. نروح نتغدى ويا الربع
على امل اللقاء بكم في بوست جديد (بوست تاريخ التفاه )
والسلام عليكم ورحمة الله وبركاته
17 التعليقات:
موفق ان شالله ..
تاريخ حضاره كنت ماخذتها عند دكتور نسيت اسمه بس جنه عبدالغني شي جذي كان وايد عجيب و مسهل علينا الماده .. ان شالله نسمع اخبار حلوه عنك وموفق
اما الجامعه بكيفان انا ما احبها مادري ليش خذيت مره ماده هناك وبس توبه
جولة جميلة ومنوعة ..
ذكرتنا بأيام الجامعة ..
أيام الشغب الأصيل :))
موفق عزيزي .. وإلى الأمام دائما :)
لوول خوش تعليقات
بس انا صج ما احب الاصوات المزعجة الحادة تصدع :p
ولا هذي "ليش؟" تحس ناس لها خلق ;p
ما ادري من وين اعلق نسيت شكنت بقول :p
بس خوش بوست :)
وييييع كيـفآن موصج انا رحت بس امتحن قدرآت يعني وشفت الهوايل P: ناايس بووست :)
كاااااااااااااااااااااااااك
انا كاتب "ليش ؟ "
لوووول
لابات هناك طول الاسبوع .. لازم الواحد يفرفش شويه !
اوووخ و الله ما توقعت توصل النت !
هيهيهيهي خخخخخخ
اول ما شفت الصوره مو مت من الضحك .. بغيت اطيح من الكرسي !
و كيفان .. احلى ايام صيفي قبل سنتين !
كان عندي ماده الساعه 4 مادري 6
كنت اروح الساعه 2 و ادش القاعه
( مدرج عوووود بأخر طاابق )
و اقصر على المكيف على حده .. يصير بررررررد سحتني .. و اسحبها نووومه !
و لا احط تلفوني عند المايك و اشغل شويه كلاسيك و امزج !!!!
و بالنسبه حق الزحمه .. حدث و لا حرج
و ذاك اليوم بغيت اروح فيها .. صورت واحد نايم .. و لا يطلع رفيجه اللي قاعد يمي .. يقولي ( لييييه تصوره ؟ )
قلت له ما صورته ..و مشيت !
بعدين خل ادز لك الصوره و حطها بالكولكشن عندك !
و على طاري الاصوات ..شكلك كلش مو راعي شويخ !
حلاته اصلا بالازعاج و صوت مطارق و ريحة اللحيم و الصبغ !
و تصدق . قبل فتره مريت صوب كيفان و لا اروح صوب الشريعه .. يالتني ما رحت !
خلني على صوب الاداب .. من القاعه لي الباب !
و بالنسبه للدكاتره .. عندنا و عندك خير !
رحلت حلوه و مشوقه املين ان نرى رحله جميله اخرى
رحلت = رحله
خوش مغامرات
ان شاء الله نتيجتج تكون اوكي
واعليا الياهل يكسر الخاطر ليش يايبينه بالازعاج مسكين
:(
Engineera
اااخ .. حمدي ربج خذيتيها عند واحد مريحكم .. احنا هذا ذابحنا بشي اسمه درجات .. احتمال اعلى واحد يطلع عنده +B
===========
أحمد الحيدر
شكرا
موفقين جميعا انشالله ^___^
==========
3bady
لووول
انا عادي عندي الاصوات المزعجة .. يامه نمنا وحوالينا ازعاج
==========
gzz_hzz
لووول هذا وبس قدرات تعقدتي .. تخيلي تاخذين مادة هنااك
x)
==========
Sinfuleye
اهمممم شي انك كاتبها ... كااااااااااك
عششوون عيل .. يبا ما نطوف شي
خووووش .. يعني مقزرها صح هناك
لووول صورة النايم الي حاطها ببوستك .. كاااااااااااااااك عجيبة
اي اي خلك بالاداب لا تقرب صوبهم لوووووول
========
المباركية
شكرا .. وانشالله تشفوف المزيد بالايام الياية
=====
malak
=)
انشالله .. مع اني ادري انها بتكون زفت الطين
لوول هالياهل صج مسكيين .. حالته كسيفة .. الله يعينه بس .. قعد ساعة كاملة بهالحال
int shfeek 3al naymeeen loooool 7araam daykheen shesawon ;ppppp funny post xD
عيزت و انا مبققة عيوني على اللوحة مالت ممنوع الصعود للدور الثاني و هم ما لقيت الكلام اللي كاتبه الثاني اللي انته تقول راد عليه!
P:
شكان كاتب؟
mar8adoosh
لووول .. النايمين ما يتطوفووون
==========
Truth
لووول
مشكلة ما يبين .. صورت الف صورة ولا راظي يطلع
بس كتبت انا .. الاول مو قايل "ليش ؟ "
الثاني راد عليه "اكتشفوا ليش "
ههههههههههههههه يحليله
بس تدري انصدمت لول
عبالي انته تقول لنا اكتشفوا
D:
لوووول
لا يكون الناس فهمت السالفة جذي @@
خنعدل بالبوست
x)
انا تاريخ حضااره اهيا الماده الي مسويتلي رعب موووو صج ..
احمد ربك انك خلصتهاا
الصراحه كسر خاااطري هالمسكين ...بس شحقه ابوه ساحبه ويايبه ويااه هالمكان ..!!
ويت هاشيموتو جم مره قايلتلك لاتصور وانت تسووق..صج مو زحمه والشارع وااقف بس هم هالسالفه تييبلك سوالف تطلعلك وحده تتبلى عليك ولا شي ..
يااولد الخاله بي كيرفل
بالعافيه عالغدا ولو انها متاخره ..
ونااطرين بوستك اليديد ..
LOOOOOOOL !!! il.yahel 7adda 7adda cuuute ! oo il.nayim 7arraaaaaaaaam ;p
amma kaifan thaiiiiim oo thalayim !!!!! ;/ ;p
لوووول اشوف في ناس قااموا ينقدون على كليتنا
اقول انا صج ما اداوم فيها بس اسمي طالب بالآداب
لووووول انا صج تحلطمت قبلك بس هم لا ما اخليك تضغطنا وتمشي
لووول الا ما شفت المنقبات الي قاعدين بالملعب ودايرينه قهوه وحب ؟
:)
إرسال تعليق