(تحذير : البوست شوي طويل )
===============
دايما نبتدي جولتنا بمسجد الامام الحسين(عليه السلام) \الحسينية الاشكنانية ==> الي يعجبكم
==================
اهني من داخل كانوا شغالين لطميات :
بس صراحة .. ماكو احد بالحسينيات !! الناس هالسنة كلهم منخشين ببيوتهم ويطالعون التلفزيون .. السنين الي طافت كنا غصب ندخل من الزحمة
================
عالعمووم .. انتقلنا الى حسينية الايرانييين ( عرجنا ... لووول) بشارع عمان .. واذا بتتأكدون اذا اهي ولا لأ .. تشمون ريحة الكباب من بعد 3 كيلو... عاااادييييي D=
هذيلي شي ثاني .. شغالين بالسلاسل :
================
الي حتى هالياهل الزعبوط وياهم ..
شياب يتعبون ويطلعون بس اهوشغال..
==============
اييي .. وهم عليهم حركات هالايرانيين .. يسوون مثل تمثيلية جدامنا ..
================
يمشون بمثل موكب .. كل واحد بييده نار \عمود بخوور .. الي اهو ....وبينهم ضريح الحسين (ع) ...
==================
خلصنا منها .. ننتقل الى الحسينية الكربلائية .. متأملين ان نشوف باسم الكربلائي .. ((عاد ولا مرة شفناه ))
وصلنا .. وطبعا .. مو زحمة .. الشي الي صج خلانا نستغرب حيييل .. فانتهزنا الفرصة .. ودخلنا .. بس طبعا دااخل .. زحمة موووت .. حتى نفس ماكو .. برا درجة الحرارة 10 .. داخل ..30 + رطوبة عالية .. لول
وصلنا .. وطبعا .. مو زحمة .. الشي الي صج خلانا نستغرب حيييل .. فانتهزنا الفرصة .. ودخلنا .. بس طبعا دااخل .. زحمة موووت .. حتى نفس ماكو .. برا درجة الحرارة 10 .. داخل ..30 + رطوبة عالية .. لول
============
نشووف ولا باسم جدامنا .. انا واخوي على طووووول شغلنا الفيديو .. لوووول
===================
بعد الرداديات (اللطميات) دايما ختامها أدعية ..
====================
======================
ايي ... في شغلة حيييييييييييييييل قاهرتني ... الناس الي تاكل .. ماتعرف تقط وصاختها بالزبالة\بسلة المهملات .. الخ ؟!!!!
يعني ..يرحم والدينكم .. تاخذون من الناس الي توزع بالشارع .. ما تعرفون تخلون زبالتكم بييدكم\بسيارتكم لين تمرون يم اي زفت وتغلونه فيه !! .. والله ناس وصخة ... مانقول الا .. الله يهديهم انشالله .
============
شوفوا وعطوني رايكم :
هذي الصورة حق بيت بجانب الكربلائية قبل سنة :
===================
وشوفوا هذي مالت هالسنة
(الوصاخة أقل لأن الناس كانت اقل )تكفة ... كل سنة اشوف بيتي وصخ جذي !! .. والله حالة
-_____-
==================
المهم
ننتقل لآخر محطة .. مركز الطبيييخ ..
الجدور الي يسون فيها العيش الاصلي :
=================
بهالحسينية .. عمي اهو شيف الطباخين .. لول
قاعد يشرح حق رفيج الوالد عملية الطبييخ
================
يعطيك العافية بو محمد
===================
نشووووفكم على خيييييير
جاو جاو
12 التعليقات:
awal shay 3atham allah ajrik w ujoorna jamee3an bestishhad ilimam il7usain 3alaih isalam.
w thanks 3al i9war 3ajebeeeeeen!! Ana i9ara7a ya3ni masma3 la6miyat hehe bas fe wa7da amooooot 3alaiha malat basim: akhaf min a3oofak.. gaalha? ligafa hehe
bas thanks wayed 3al i9war w 9ij akil il7sainiya (Y) :D
ياااا بعد جبدي .. رايح الاشكنانيه @@
تفهم ايراني ؟
كل ما اروح لهم يكون العربي خالص و الايراني مبلش ...خخخخ
بس جنه هالسنه قالو بتصير عكس .. ايراني و بعدين عربي !
المووووهم .. شعليه .. كاااشخ طالع بجريدة الجامعه هالاسبوع @@
و حلوه حركة الرحله ..
اتصدق عبالى عندك سالفة ةتحسفت اني بقرأ موضوعك وغصبت نفسي اكتب تعليق
والله اجواء محرم احلى اجواء
وانا مثلك كله نحوس بأنحاء الدعيه سيتي خوش جو حسيني
ومسيد امام الحسين بس اطب له حق صلاة الجمعه
وعيش حسينية الكربلائية طيب بالمرة
جان زرتنا بالشربت الدعيه
لووول نسيت اقولك
انا زهقت من كثر ماشووف باسم << ماعندي سالفه
شدعوه كل هالوصخ الكويت فيها ندرة زبالات
عظم الله أجوركم ..
نهضة الحسين (ع) أعظم من شوية صور و جولة (سياحية) حول الحسينات و "العيش" و كلمات (لول) و و و الخ ..
من مسيد الإمام الحسين (ع) لي الكربلائية شهالتناقض لووول
اخييييييه مسيدنا الحبيب فدييييته وفديت سيد وليد
عاد اليوم من الصبح لي الظهر انا هناك وهمن رحت بالليل
صج صخة حيييل هالسنة المسيد، شي يضيق الخلق، كل سنة ما فيه محط ريييل ولا مسافط هالسنة اختفوا البشششر، بس هم الحمدلله زين ان اليوم كان زحمة
وسالفة الوصاخة زهقت منها، الله يسامحهم بس
وعظم الله أجوركم
اول شي عظم الله
اجورناواجورك جميعا
--------------------------
Mar8adoosh
العفو ^__^
لا للأسف ماقالها .. كل يوم يقولون لطمية يديدة
==========
sinfuleye
لووول ماشفتك هناك ... لا يبا اي ايراني اي بطيخ .. انا رحت عال11 كانوا شغالين عربي .. فاعتقد اول شي بلشوا بالايراني
شفت شلون .. خلاص صرت مشهور ..تبي توقيعي صف دور .. xD
=========
غير معروف
ماعليه .. لازم مرات الواحد يحط اشياء ماتعجب الكل .. صعب الواحد يراضي الناس كلها .. عالعمووم .. مشكووور(ة) عالتعليق واسفين على تضييع وقتك\ج
=========
المباركية
لاااه !! لو قايلنا من الاول .. جان جربنا شربتكم .. ونقارنه بالباجي
P=
لول .. انت مال منه وانا اول مرة اشوفه ..
بعدين سالفة الزبالة .. الناس متعودة يكون في احد يخم وراها
========
Ahmed K.A
اكييد اعظم من شوية صور
اسفيين اذا حسسناك ان قاعدين نقلل من قيمة عاشورا ولا فاجعة الطف .. والله موقصدي .. بس كنت حاب اوري الناس الشغلات الي نشوفها بمحرم .. واعلق عليها .. وما حبيت اتعمق بالموضوع لان الناس عارفة قضية الامام الحسين عليه السلام .. والحمدلله المدونات بمحرم وايد منهم كتبوا عن هالواقعة .. فكانت نيتي فقط انقل ما يحدث في الحسينيات من ايجابيات وسلبيات .
============
iNoor
بعد .. لازم نشوف كل انواع الحسينيات في ليلة العاشر ..
اي والله شي يضيق الخلق .. بكل الحسينيات قل الحضور .. بس مثل ما قلتي .. زين على الاقل يوم العاشر الناس راحت
المشكلة تلاقين ريال شكبره شعرضه يقط وصاخته بالشارع .. بالله هذا شكلم فيه ؟!!
Lool walla u ppl are funny o ma3ndekom salfa :/ bs ba3ad shnsawi lazm ildera tet7amalkom..bs 9ij ya3ni il eslam gal ena may9er tz3lon 3al mayt akthar mn cham youm wntaw lail7en? He went to a beter pace o lail7en tal6emon?
مأجور
اول شي مشكور عالصور :)
ثاني شي باسم ليش عندكم كل سنة اهوه عندنا؟؟ :/ << ترا المنامة بمحرم هالسنة مو حلوة من دونة
__
البوست روعة و تسلم ايدك
و يعطيك العافية
خوووش رحلة ...
وع طااري اللطم بالسلاسل ..أنا
ضده ..أحسه شي ماله معنى ..
بس الشي الي ماني قادره اطوفه لك في البوست ..
هالجملة الكريمة :(الوصاخة أقل لأن الناس كانت اقل )
ياأخي الفاااضل الناس كانوا اقل ...
يالله معذوور عيمي لوول ..
وفي بدليه ثانية بس حفاظا على رابطة الدم ماني ذاكرتهاا
ريحه العيش واصلتني
للاسف ماذقته من الرجيم
تصدق مع هالبرد العباسيه زحمممه رحتلها يوم واحد
وباجي الايام ادور الدفا رحت مسلم بن عقيل
الشيخ جعفر الابراهيمي روعه ومحاضراته ماكو احلى منها
عاد قبل كل عاشورا نحوس ببنيد القار
بس هالسنه حست برميثيه
إرسال تعليق