Wednesday, February 25, 2009

كاريكاتير 25 ، 26 فبراير

~ سلامووون عليكوووم ~


حبينا نشارككم فرحة عيدي الاستقلال والتحرير بهالرسمة








--------------------------

** وكل عام انتوا والكويت بخير **
=)


Monday, February 23, 2009

In Turkey :Season Finale

~ سلامووون عليكووووم ~

------------------------

اليوم ، بنختم رحلتنا الى بلاد الاناضول .. هالبلد الي الواحد ما وده يطلع منه صراحة ..


المهم

-------



اول شي كنا بنروح بورصة عشان نشوف الثلج الي هناك (( اي في صور ثلج ))

فالصور الياية بالطريج حق بورصة :



عشان نوصل بورصة .. نركب عبارة .. بالطريج حق العبارة .. عجبني المنظر وصورته







=================


العبارة الي نروحها .. ندخلها بالسيارة






================




واحنا هناك شفت شغلة ذكرتني ب PopEye the sailor man






لووول هذا التاتو الي حاطه على اييده
x)

=================



بعدين وانا اتأمل بالطبيعة الخلابة .. وبمنظر البحر ...
واذا بي اشوف سفن pirates of the Caribbean
متوجهين ناحيتنا !!!









===============



وصلنا بورصة ..اول صورة التقطناها هناك








==================




الصورة الياية .. لمناصري البيئة :








شكثر شير (شجر) راحوا عشان IKEA
=(


===============

المهم ...

وصلنا للثلج ..
ماني معلق عليهم بس شوفوا الصور
=)







=============








==============










nice eh ?

============


رجعنا البيت وهدومنا مبللة من الثلج .. والمطر الي حاشنا بعد الثلج
رجعنا الفندق شسوينها بهدومنا عشان ينشفون ؟ P=







ماكو لمبة ما علقنا عليها ملابس .. الي حتى كبت التلفزيون ما سلم منا
لول

==============



بعد الثلج وبعد بورصة .. اخر يوم لنا في تركيا .. رحنا السوق المسقف ( السوق المصري ) ==> لحد يسألني ليش اسمه مصري ، لا فيه مصريين ولا هم يحزنون

المهم






السوق هذا ، يعتبر سوق النصب والاحتيال
=)
لدرجة ان واحد كان يبيع شغلة بسعر 45 ليرة .. مارضينا ومشينا عن المحل .. جان ينادينا ويقول ب 15 ليرة
30 ليرة طيرهم على طووول !! (( 30 = تقريبا 6 دنانير ))
وشكله سعرها الاصلي ليرتين ما يسوى
x)


========





18+



اخر فقرة لهذا اليوم .. فقرة ليست لتحت ال18
حاع حاع حاع

((تحذير : عند حدوث اي خلل في التفكير الناجم عن الصور انا مالي شغل ))

بس مو تعصبون عليي وتسبوني مادري شنو
الهدف من الصور ان نضحكم
=)

شوفوا اول صورة معاي :





TURGAY ====> ادري مليقة

==================



الي بعده





هذي حلوة مو ؟
P=


============



اخر صورة عشان محد يطقني
الا الكل راح يطقني بسبة هالصورة

اول شي .. تذكرون الايميل عن محل في تركيا يسب الناس او شي جذي ؟
كاهو :












لوووووول

قبل ما احد يفلعني ولا يسويلي شي
خنقولكم جم شغلة :
1- الناس كانوا يطالعوني وانا اصور اسم المحل ويشوفوني نظرة "شفيه هذا متخلف عمره مو شايف محل هدوم "
2- شفتوا الينية (
fairy ) الي بنص الاسم ؟ هذا حرف ال T
فاسم المحل الاصلي : Kostumcum

وشكرا

==============



الى هنا تنتهي رحلتنا في كوكب .. تركيا

بس مثل كل مرة .. نختم البوست بصورة للطبيعة






================

انشالله استمتعتوا بصور تركيا
=)
نشوفكم على خير
جاو جاو

Friday, February 20, 2009

In Turkey - 2 B

~سلاموووون عليكووووم~
-----------------------------

اليوم بنكمل الرحلة التاريخية في تركيا
والحين نزور قصر "دلمة بهجه" ===> لحد يقولي شنو معناتها بروحي مادري اذا كاتبها صح ولا لأ
P=
===============

بوابة الدخلة

عشان ( علشان\على شان \ من اجل ) تعرفون شكبرها ..
طالعوا الريال الي عاليمين ماسك الشمسية شوفوه شصغره بالنسبة حقها







================================



أول شي نشوفه بالقصر .. لوحة عمرها مادري جم امية (مئة\مائة) سنة







====================



ومن ال"antiques " شي جذب انتباهي





هالقفاش ( الملاعق ) تدرون ان النقش الي عليهم قاظهم ؟
يعني الواحد اذا بغى يشرب فيهم شوربة او شي جذي ما يقدر
x)


=========================


شي ثاني عجيب :







انتوا تشوفونها بندقية صيد عادية ..
بس ترى حجمها كبر بازوكا ... يعني نفرين ( شخصين ) يشيلونها لووول


======================


الشغلات الي طافوا كانوا بطابق واحد .. بعدها نزلنا السلم







والله عجييب المكان !

================


اول ما نزلنا ولا نشوف هالدب في استقبالنا






==================




الظاهر بالبندقية\البازوكا صادوهم







=======================






شفتوا الاعمدة ..
طولهم يوصل ليي ..
ليش اشرح شوفوا هالصورة وقارنوا طول الناس فيهم








=====================


بالقصر ، مهتمين بكل صغيرة وكبيرة من ناحية الزخرفة وماشابه ذلك


ابسط مثال :
شوفوا نهاية الاعمدة




والله وقت نطالع السقف نضيع فيه


=====================


القصر من كثر ما اهو كبير .. له اكثر من دخلة .. فلازم نطلع من مكان ..





=================


... ونروح مكان ثاني






====================



عاد واحنا رايحين هناك مرينا على بوابة مطلة عالبحر




يعني هالقصر عنده بوابة حتى حق الي مشتهي يروح بيخته يحوس فيه شوي ويرجع
=)



=========================




صورة ثانية من فلم رعب







ذكرتني اللقطة بفلم " The Haunting "

======================



نختمها بصورة للغيوم الي مطروا علينا طول الرحلة





======================

نشوفكم بالبوست الاخير الي بيكون عن تركيا .. وانشالله يكون اقوى واحد فيهم .. لانه بيكون منوع

نشوفكم على خير

Arrivederci

Thursday, February 19, 2009

In Turkey - 2 A

سلاموووون عليكووووم

اليوم وباجر انشالله راح احط لكم صور مكانين تاريخين زرناهم بتركيا : توب كابي ، والثاني قصر دلمة بهجه
بس المشكلة ان المكان الاول ما خلونا نصوره من داخل
======================

توب كابي

صاير كمعرض للادوات التاريخية .. من ملابس واسلحة ولوحات .. حتى يقولك عندهم شعرة النبي (ص) وسيفه ،
ايضا يوصلون لي عصا النبي موسى -عليه السلام - ===> جنها قوية شوي
طبعا ما خلونا نصور ولا شي من هالاشياء الي ذكرتهم .. فقلنا نوريكم شغلات ثانية ايضا تاريخية
المهم نبلش بصور صدناهم بالطريج واحنا رايحينله :


طبعا أحلى شي باسطنبول ( تركيا عموما ) ان كل ما تمشي خطوتين لازم تلاقي مسيد








======================




الشي المشترك بالمسايد كلها .. ان المآذن اشكالها صواريخ






==================


هذي شكلها يخرع جنها بتطيح على راسنا





================



وصلنا توب كابي .. عند الدخلة في حرس ، او بالاحرى جنود .. يحمون المكان او شي جذي .. شفت واحد عنده سلاح(MP5) قلتله بصورك




لووول شكله جنه ملوت هتلر (النازية )
x)

==================



هذي الدخلة




( جنه قاعدين بفلم تاريخي )


=================


اهني البوابة




==============




المكان من داخل






هالممرات فيها غرف عارضين فيها الشغلات الي ما نقدر نصورها

==============================



لوحة عليها كتابات قديمة ترجع للعصر العثماني



طبعا كله بالفارسي .. ( عاد لو كنت اعرف ايراني جان ترجمته لكم )

يقولكم ايام اول اللغة الفارسية اهي اللغة " الكشخة " .. مثل ما الحين الانجليزية والفرنسية
فكل لوحاتهم مكتوبه بالفارسي ==> يعني باختصار .. دام انهم مو مفهومين ما صورناهم كلهم P=

===============






===================






===========================

خلصنا من المكان ..
بعدين السما غيمت .. و بلشت تمطر
فقلنا نرجع البيت






=========================


نختم البوست بصورة جنها مالت افلام الرعب




=====================


انشالله باجر نحطلكم مقتطفات من قصر دلمة بهجه
نشوفكم على خير

ARRIVEDERCI

Sunday, February 15, 2009

In Turkey -1

~سلاااااااامون عليكووووم~


اليوم بنبلش نحط لكم صور من تركيا .. احتمال يتجزأ الموضوع ل3 أجزاء (على حسب المزاج P= )

المهم ..
باسم الله .. باسم الله نبدأ ==> ( مالت دكتور تاريخ الحضارة )

=============================




مثل ما سوينا باستراليا ... نبلش بصورة لتركيا من الطيارة قبل الهبوط
=)









في ثلج !!! ===> أول شي قلناه يوم طلينا من الدريشة



=========================


صورة لمن كنا بالطريج حق الفندق






=====================





اول شغلة شفناها ((بعد الثلج الي عالجبال)) :













مادري شيسمونهم .. هذيلي الي ينظفون الجواتي ويلمعونهم
x)











one in action










===========================






طلعنا رحنا منطقة اسواق قريبة منا اسمها Taksim Square
والله المكان بس كافي تتمشى فيه بدون لا تدخل المحلات .. شوفوا البنايات الي حوالينا










=====================





اهني بداية المحلات






=====================





وحتى فيه Tram يوصلك لي اخر السوق صوب البحر








========================





بس الزحمة ... موووو صج !!







===============



وخلوني اقولكم جم شغلة عن الناس هناك :
1- كلهم يدخنون (حريم \ رياييل)
2-ما تلاقون -تكرمون- زبالة\سلة قمامة بالمكان .. حدكم طفاية سجاير ، والشوارع نظيييفة (لا تسئلوني شلون )
3- اهم نقطة بالموضوع كله ... دفاشة !! اي نعم .. وخصووصا بهالمكان .. ماكو شخص ما يدعم فيك ( مراة \ ريال شباب كانوا ام شياب وعيايز )



اي صح .. نسيت بعد نقطة .. وايد تلاقون جلابة (كلاب) وقطاوة (قطط) بالصكيك (الشوارع )
والمشكلة ان قطاوتهم كبر جلابتنا .. فالجلب يكون ... احم






=====================








(تلاحظون اني عند عند القطو مقرب ، اما الجلب من بعيد مصوره P= )
=====================





هذا التمثال مادري شسالفته .. حتى ما يخلونا نقرب صوبه .. مسور









==========================


من المحلات الي جكيناهم هناك .. محل يبيع هدوم معلبة .. تذكرون الايميل الي عن ملابس مسوينها باليابان الي تحطونها بالماي وتجهز ؟ هذا المحل يبيع هالسوالف







=========================



اييي ... ترى اهمه مو بس شغالين عالمسلسلات التركية .. هم عندهم افلام ===> (احتمال تكون موضة العرب الياية)



هذا الفلم كل ما نروح مكان نشوف دعايته









المشكلة ان دخلنا محل ديفيديات ولقينا الجزء الاول منه .. كان مسوي بييده رقم واحد .. شكلهم دارين انهم بيسوون جزء ثاني
x)


===================



وهالفلم هم شكله كوميدي بعد









(( محد فلم غيري الي داش سينما تركية وقاعد اصور بوستراتهم ))


==============================





وعلى طاري التلفزيون والبرامج التركية .. في مغني صاحبي ذبحني الا اييب توقيعه ==> ابراهيم تاتلس

طبعا هالشغلة مستحيلة .. لكن مرة وانا افتر بالتلفزيون ولا الاقيه








استغفر الله شكله صدام ===> احس خذيت ذنب يوم صورته


===========================






وصلنا -تقريبا- لختام بوستنا لهذا اليوم

بس بنعطيكم لمحة من صور البوست القادم ==> بيكون عن جم مكان تاريخي








===================







======================


نختم البوست بصورة للسما







=================


ونشوفكم على خير انشالله

Arrivederci