Saturday, February 14, 2009

و عدنا من بلاد الأناضول

سلااااااااااااااااااااااااااااااام ^0^

رجعنا أعزائي .. رجعنالكم .. رجعنا بعد فراق دام أسبوع .. رجعنا بعد .. مادري شنو ====>(( وايد تتفلسف اطلع برا))

المهم

شلونكم شخباركم شمسوين انشالله بخير ... أنا ؟ الحمدلله تمام التمام بس كنت منشول طول الرحلة وخشمي يخر ==>(( راح نتحلطم عن هالموضوع بعدين لا تحاتون))



====================


اليوم ماني حاط صور من تركيا .. ببتدي بالمقلوب .. بحطلكم صور من مطار الكويت أول ما رجعنا ===> يعني اليوم صورنا شوية
وانشالله الايام الياية نحطلكم صور تركيا ==> سوري اذا حبطانكم بس تعبااان وفيني نوووم
x)

===============================================================
ملاحظة : كتبت هالبوست اكثر من 6 مرات متتالية .. ليش ؟ لان اللابتوب الحمار كل شوي معلق الظاهر من الغبرة الي حاشته .. فلازم اوديه اصلحه .. والحين كتبت البوست بكمبيوتري القديم .. والكمبيوتر بس اوصل فيه الكاميرا يعلق
باختصار .. حالة كسيفة
===============================================================

المهم .. نبدا تفاهنا :
-------------


اليوم وقت وصلنا .. بناخذ الجناط .. وفجأة !!



من زحمة الجناط علقوا .. وبغى ينفجر المكان لووول






وقفوا الشريط الي يمشي الجنط وقعدوا يجيكون عليه .. تعدل وردوا شغلوه



بس بعدها بشوي .. ولا يعلق مرة ثانية

xD







ونفس المشهد يتكرر .. ومن الضحايا .. جنطة ولد خالتي .. انشقت.. هاردلك

فشلنا مطار الكويت
يالله ما عليه .. هذي الدنيا


ومن الاشياء الطريفة .. لقينا بين الجنط :






شمسية .. الظاهر متعيزين يشيلونها معاهم بالطيارة .. والله اعلم


=============================


بعد ما اخذنا الجناط .. اول ما طلعنا !


شفنا ناس واااايد ياين يستقبلوننا








عاد انا استانست قلت زين كل هذيلي ناطرينا


اشوف عدل ولا








طلعوا هنود ناطرين ربعهم
يعني هاردلك لي


============


الى هنا ينتهي بوستنا .. بغيت احطلكم جم صورة من الطيارة فوق تركيا .. بس مثل ما قلتلكم اول شي .. الظروف ما خلتنا نكتب ونحط صور على راحتنا
نشوفكم انشالله بعد ما نعدل اللابتوب
جاو جاو