Monday, March 9, 2009

من السبت إلى السبت

~ سلاااامووون عليكوووووم ~


اليوم بنعطيكم اهم احداث الاسبوع الماضي .. من السبت الى السبت


let's start ( مالت lion king لعبة السيقا )

--------------------------------------------



اول شي ، يوم السبت الماضي ( الي قبل الدوام ) رحنا معرض الطيارات الورقية

وصلنا هناك .. انصدمنا !!
ماكان فيه ولا شي .. كنا سامعين عن محاولتهم انهم يشيلون سيارة ويطيرونها
طبعا رحنا هناك ماشفنا ولااا شي
بس جم طيارة ورقية
=(







( يفكر : شلي يابني اهني )


=================











نظرة امل ان يصير شي( يطيحون الطيارات او شي جذي يضحك )


===================================




بعدها .. بلش الدوام

كل يوم لغاية هالاربعا ، كل جمعية تسويلها معرض ( قسم المدني\البترول\الكيميا..الخ )


فكل يوم نشوف فعاليات مختلفة .. بس الشي الوحيد المشترك هو " الاكل " .. واحلى شي انه ببلاش


المهم ..


من الاشياء الحلوة الي شفناها بالمعرض :




كانوا يايبيين سيايير "سنعة" للعرض .. الظاهر يبون يحرونا او شي جذي









=====================






=========================



هذي صوت ماكينتها مووو صج






كان يبيله يحطون لوحة جدام السيارات مكتوب عليها
(( موتوا قهر ))

====================




يوم الخميس ، كان يوم الكمبيوتر
ومباراة الكويت واستراليا ساعة 12
شلون نطالعها ؟









خيمة + شاشة LCD + أحلى آريل من الديوانية = جمهور مستانس


=) ومبرووك للازرق

===================



وهم بنفس اليوم .. سووا عرض لفلم bolt

تقدرون تقولون سينما ببلاش







خوووش حجي
=)

======================



ننتقل لموضوع ثاني

ابي اتحلطم عن شغلة :


لمن اروح مطعم الجامعة الي بالكافتيريا .. اهو جنه مطعم الفرع بو ( فلافل ولبنة \ زهرة وبطاط )

بس الي يشتغلون في مصريين





المهم ..

انا مرات اطلب ( لبنة وبطاط ) ==> لحد يقولي وع مادري شنو .. جربوا بعدين كلموني P=
المهم ..

لمن اقول حق الي يشتغلون ( بطاط ولبنة ) عندهم غير عن ( لبنة وبطاط ) شلووون ؟

شوفوا .. 3 مرات صارت فيني ان الريال يتنح ويقعد يقولي " ها؟ " ليما اقلبها ( اخليها لبنة وبطاط بدل بطاط ولبنة ) بعدين يفهمها
ومرة واحد سوالي صمون لبنة وفلافل !!
-----------------------------

تعليقي على كل الي قلته :! WTF !



===================



ننتقل لموضوع ثاني


في جم شغلة عبيطة صدتها :



اول وحدة اب -تكرمون- حمام :








واحد كاتب تحت الكلام :

(( شنو يعني ما نز* ))

x)


===============



لا .. ومرة كنت امشي بممر لابات الرسم الهندسي العفن


في طاولة بنص الطريج عليها ورقة

اطل عليها ولا القى :






الجهد الذاتي ؟ !!
@@







الملخص السبوري ؟ !!
@@

الظاهر واحد يايب اخوه معاه

لووول

==============



ننتقل لاخر جابتر في سوالفنا المعوقة


لازم نختم بوستنا بجم صورة للسما

كنت اسوق وانا اصورهم
( attention : no injuries occurred while taking these photos )








======================




انشالله عجبكم البوست


نشوفكم على خير ببوست اخر مادري متى


arrivederci