Thursday, April 30, 2009

متنح ؟

~ سلااااامون علييكوووم ~


شكلي كل خميس بحطلي بوست .. ما اقدر ايام الاسبوع !

كله من الاوتوكاد العفن !!
كل مرة الهووموورك يخرب عليي عصرية الويك اند ( week end afternoon ) ==> احب اتفلسف
واحلى خبر لهذا اليوم ==> يوم امتحان الاوتوكاد اهو نفسه يوم امتحان الكالكلس .. لا بالله كدينا خير !

==========

احم .. لازم اتحلطم ماعرف اسكت !
عالعمووم
شلوونكم شمسوين .. وايد ناس ليلحينها تمتحن ==> واحد منهم

اليوم الله يسلمكم .. صورنا بتكون تحت عنوان " متنح"
لان هالشغلات ما تصير الا لمن الواحد يكون متنح او دايخ

نبلش جولتنا
---------








هالرسمة الله يسلمكم رسمتها باحدى المحاضرات الي اتنح فيها
لول ( اعتقد بالفيزيا)

=========


على طاري الفيزيا .. الامتحان كان حييل صعب .. وتصليح الدكتور عفن الخبز .. يعني صج بدعوا الطلبة بالدرجات






شوفوا شحلات الصفر .. اصلا حجمه اكبر من ال"3" الي فوق .. يخرب بيته احسه يستانس وهو يكتب الصفر
شوفوا شكثر مشخبط دليل اني كلش مو متنح عالسؤال ..
P=

---------------

ننتقل لشغلة ثانية .. البدليات

شوفوا معاي :




ادري الصورة مو ذاك الوضوح .. لان كاميرا التلفون ماشالله عليها 2mp
المهم .. يقول الحبيب :
Dont
writ the number again

اكره يوم واحد يتفلسف غصب .. وكلامه فيه بدليات
خو اكتب بالعربي محد بيذبحك ؟!!

===============


هذا المطعم قوي


كاتب "
الصابع الجبن"
الظاهر من جماعتنا (العيم)
لول

===============


اقوى بدلية على مر التاريخ


اهي بالاصل جملة كاملة كلها على بعضها غلط لوول
المشكلة انها بمكان عام !



قبل ما نطلع بدلياتها الي حدها واضحة .. تدرون وين مصورها ؟ عند تدريب السياقة .. يوم رحت اقدم تراي حق الليسن .. وا فشيلتاه !
لول

البدليات :


1-
advaice ==> لازم تصير advised ( يعني اهمه قصدهم يكتبونها اسم .. واهي المفروظ تكون فعل .. وهم الاسم الي اهمه كاتبينه غلط ) ==> بدليتين بوحدة !

2-
will be start ==> هذي صج تلخبط .. لها حلين : will start \\ will be started

in 7:30 am 3 ==> المفروظ at 7:30
----------------------------------

والله خرطي الي كاتب هالجملة


===============

ننتقل لاخر فقرة ..

تذكرون شلون احب اصور الناس النايمة \ النايمين ( الي يعجبكم )
شوفوا هالبوست كله صور ناس نايمين\نايمة
Old Post

عالعموم .. هذول 2 صورتهم بالجامعة نايمين ولا هامهم الي حوالينهم





--------------------------------------






=======================


ان شاء الله عجبكم البوست ؟


نشوفكم على خير


arrivederci



Wednesday, April 22, 2009

منوعات هاشيموتو





~ سلااااااامون عليييكوووووم ~

**تنويه : مادري ليش في ناس تقولي هاشميتو .. والله الاسم هاشيموتو .. ترى اهو اسم ياباني ..لوووول احس انذليت كل ما اشوف واحد اقعد اشرحله **


رجعنالكم متابعينا من كل مكان في الخليج العربي ( ذيج المرة العالم الكويتي الحين توسعنا شوي ) .. رجعنا .. وبصور جديدة .. ومواضيع غبية حديثة


---------

اليوم الله يسلمكم عندنا عدة مواضيع مالها شغل ببعض ===> عشان جذي قلنا منوعات

المهم .. خنبلش :
------------


في اشياء عبيطة الواحد يشوفها بالطريج .. سواء كان بالجامعة ، بالشارع .. او اي مكان

يعني ..



هالسيارة .. اول ما شفتها .. حسيت ان فيها شي غلط .. اطالع عدل ولا







وين لوحة السيارة ؟!!

العبيط بالموضوع .. ان في ورقة (داخل الدائرة الزرقا ) كاتبين فيها رقم اللوحة
الظاهر حل مؤقت على ما يطلع لوحة يديدة

P=

===========


شغلة ثانية..

اكثر سيارة شفت عليها ارقام .. احس .. صج دخت اول ما شفتها







=================




اليوم وانا رايح حق دكتور الكالكلس .. لقيت اسم دكتور عجيب !








من اسمه باين عليه ان مقطع الدراسة
(ولا جان ما صار دكتور )

x)


============


اهني بمقدمة الهندسة .. عشان تعرفون شكثر اكون متبع ويا المحاضر








( لا تخافون قلم رصاص ينمحي بالمحاية .. عشان لحد يقولي انت وصخ مادري شنو .. )

============

فاصل تحلطم

مايصير احط بوست بدون ما اتحلطم .. شنسوي .. طبعي جذي ..
P=

المهم

ليش لما المهندسة حاطة ساعة مكتبية (office hour ) يوم الخميس من 10 لي 11
وانا كنت محتاج شغلة ضرورية .. يوم اروح يقولولي اصلا ما عندها اليوم اوفيس اور ..
هذا شنو بالله ..





؟!!!


----------------



يا حظهم الميكانيك .. لاباتهم كلها شاشات LCD wide screen .. ==> ( بمبنى 5 )







خوووش شي حق الافلام
=)

===========


نعود لمحور حديثنا ..



يقولكم مرة وانا نازل من المصافط الي صوب مبنى النكد ( مبنى 11خ)

والا اشوف هندي من بعيد قاعد بوضعية غلط !

طبعا على طول طلع التلفون وصوره .. لان صج ما تتعوض اللقطة




لووووووووووول

===================


بعدين قلت " جنه اللقطة حييل بعيدة "

فقربت منه وصورته وهو المسكين ما يدري








لوووول شكله شغال قرقة ويا "الصاحبة "

اضحك شي انه ما حس فيني وانا اصوره
x)

=================

لمن الواحد يكون فاظي بالكافتيريا .. وقاعد ويا ربعه ..

تطلع اختراعات جديدة ..






احد يبي عصير زقاير ؟




=================

بعدها قمنا باكتشاف شي رهييب !!!


شي لا يصدق !!

شوفوا ..


هذا طول صبع انسان عادي





لاحظتوا ان المملحة اطول منه ؟

حلو



شوفوا هذا .. وقولولي بالله .. هذا صبع اي كائن حي ؟!!




==================

اخر فقرة نختم فيها البوست

صور للسما العجيبة

enjoy









-------------------------------





--------------------------




=====================

انشالله عجبكم البوست .. نشوفكم عما قريب
ببوست جديد .. باذن الله

arrivederci


Tuesday, April 7, 2009

كاريكاتير\ معاناة مواليد 90


~ سلااااااامون عليكوووووم ~



رجعنالكم احبائي من كل مكان في العالم الكويتي .. رجعنا .. وبرسمة جديدة .. انشالله تنال اعجابكم .. مع اني اعتقد ان نصكم بعد ما يشوف الرسمة بيقول "شكو؟"

المهم ..

الرسمة هذي .. استوحيتها ( حلوة هالكلمة ) من كثر ما اشوف الناس تتحلطم .. اي نعم !

وايد اشوف اقراني ( مواليد 90 ) يتحلطمون عن الشغلات اي صارتلهم .. وما صارت حق غيرهم ==> يعني شنو ؟

يعني يتحلطمون ليش صايرين فيران تجارب ...

مثال

مع دفعة 2008 ( مواليد 90 ) بلشوا قانون منع الاختلاط في الجامعات الخاصة ..

وهكذا من الامور العفن

بسنا قرقة .. شوفوا الرسمة

=)







---------------------------------------


ضايعين بالفيزيا .. دكتورنا باكستاني .. ومعيدنا هندي

الله يستر من الميدتيرم

@@